ডিজিটেল ডেস্কঃ পাকিস্তানৰ বাওঁহতীয়া পেচাৰ মহম্মদ আমিৰে আই পি এলত খেলাৰ সুযোগ লাভ কৰিবলৈ ওলাইছে। ২০০৮ চনৰ পৰা পাকিস্তানী ক্ৰিকেটাৰক আই পি এল খেলাৰ পৰা নিষেধাজ্ঞা আৰোপ কৰা হৈছে। কিন্তু আমিৰ এতিয়া পাকিস্তানত নাথাকে। তেওঁ ইংলেণ্ডত থাকে। অহা বছৰ তাৰ নাগৰিক হ’

Listen to Article

2 min read

80%

ডিজিটেল ডেস্কঃ পাকিস্তানৰ বাওঁহতীয়া পেচাৰ মহম্মদ আমিৰে আই পি এলত খেলাৰ সুযোগ লাভ কৰিবলৈ ওলাইছে। ২০০৮ চনৰ পৰা পাকিস্তানী ক্ৰিকেটাৰক আই পি এল খেলাৰ পৰা নিষেধাজ্ঞা আৰোপ কৰা হৈছে। কিন্তু আমিৰ এতিয়া পাকিস্তানত নাথাকে। তেওঁ ইংলেণ্ডত থাকে। অহা বছৰ তাৰ নাগৰিক হ’ব। গতিকে আই পি এল খেলিবলৈ তেওঁৰ কোনো বাধা নাথাকিব। ইংলেণ্ডৰ হৈও খেলিব পাৰিব৷

২০১৯ চনত আন্তঃৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰিছিল আমিৰে। বাওঁহাতৰ প্ৰতিভাৱান পেচাৰগৰাকীয়ে আন্তঃৰাষ্ট্ৰীয় ক্ৰিকেট খেলাৰ মানসিক চাপ ল’ব নোৱাৰাৰ বাবে অৱসৰ লোৱা বুলি কয়। যদিও তেওঁ বিভিন্ন দেশৰ টি-২০ লীগত খেলি আহিছে। অহা বছৰ ইংলেণ্ডৰ নাগৰিকত্ব লাভ কৰিলেও আন্তঃৰাষ্ট্ৰীয় ক্ৰিকেটলৈ ঘূৰি নাহে বুলি আমিৰে কয়।

এক সাক্ষাৎকাৰত আমিৰে কয়, ‘বহু ভাৰতীয় অনুৰাগীয়েও বিচাৰে পাকিস্তানী ক্ৰিকেটাৰে আই পি এলত খেলক। কিন্তু পৰিস্থিতি সকলোৱে জানে। বহু ভাৰতীয় ক্ৰিকেটাৰেও পাকিস্তানী ক্ৰিকেটাৰৰ সৈতে আই পি এল খেলিব বিচাৰে। কিন্তু এই বিষয়ে কোনেও ৰাজহুৱাকৈ কথা নকয়।”

উল্লেখ্য যে ২০০৮ চনৰ পিছত কেৱল আজহাৰ মাহমুদেহে আই পি এলত খেলা দেখা গৈছিল। ব্ৰিটিছ নাগৰিকত্বৰ বাবে ২০১১ চনত পঞ্জাৱ কিংছৰ হৈ খেলিবলৈ সক্ষম হৈছিল। অহা বছৰ যদি আমিৰে আই পি এল খেলে তেন্তে ২০০৮ চনৰ পিছত আই পি এলত খেলা দ্বিতীয়জন পাকিস্তানী হিচাপে পৰিগণিত হ’ব।

২০১০ চনত আমিৰক আন্তঃৰাষ্ট্ৰীয় ক্ৰিকেটৰ পৰা নিষিদ্ধ কৰা হৈছিল। মেচ ফিক্সিং গোচৰত তেওঁৰ নাম জড়িত আছিল। ২০১৬ চনত আন্তঃৰাষ্ট্ৰীয় ক্ৰিকেটলৈ ঘূৰি আহিছিল আমিৰে। শেষ মুহূৰ্তত ২০১৯ চনৰ বিশ্বকাপত স্থান লাভ কৰে।