ডিজিটেল ডেস্ক
কৃষ্ণগহ্বৰ বহুতৰে বাবে এক আমোদজনক বিষয়৷ কৃষ্ণগহ্বৰে প্ৰায়েই বিজ্ঞানী সকলক বিমোৰত পেলাইছে৷ হাজাৰ চেষ্টা কৰিও তেওঁলোকে কৃষ্ণগহ্বৰৰ প্ৰকৃত ৰহস্য উদঘাটন কৰিব পৰা নাই।
কিন্তু শেহতীয়া এক আৱিষ্কাৰে কৃষ্ণগহ্বৰ সম্পৰ্কে থকা বহু প্ৰশ্নৰ উত্তৰ দিবলৈ সক্ষম হৈছে৷ ৱেষ্টাৰ্ণ চিডনী বিশ্ববিদ্যালয়ৰ জ্যোতিৰ্বিজ্ঞানীসকলে আৱিষ্কাৰ কৰিছে আকাশৰ আটাইতকৈ ডাঙৰ কৃষ্ণ গহ্বৰ জেট ৷
এক মিলিয়ন আলোক বৰ্ষতকৈও অধিক বিস্তৃত এই জেটখনে প্ৰচুৰ শক্তিৰে পোহৰৰ দৰে গতিত এটা কৃষ্ণগহ্বৰৰ পৰা আঁতৰি যায়।কিন্তু ছায়াপথবোৰৰ মাজত বিশাল মহাকাশত প্ৰায়েই ই নিজৰ পথ বিচাৰি নাপায়।
মাত্ৰ ৯৩ নিযুত আলোকবৰ্ষ দূৰত্বত এনজিচি ২৬৬৩ ছায়াপথটো মহাজাগতিকভাৱে আমাৰ তেনেই কাষত অৱস্থিত৷ যদি ছায়াপথটো আমাৰ এটা ঘৰ হয়, এনজিচি ২৬৬৩ এক উপনগৰৰ দৰে হ'ব।
এটা সাধাৰণ দূৰবীণেৰ জৰিয়তে ইয়াক আমি ডিম্বাকৃতিৰ যেন দেখোঁ৷ এই জেটবোৰে বিভিন্ন গেছবোৰক ছায়াপথলৈ ৰূপান্তৰিত কৰে৷ এই প্ৰক্ৰিয়াটোৰ পোনপটীয়া দৃশ্য বাৰুকৈয়ে আকৰ্ষণীয়।
যদিও জ্যোতিৰ্বিজ্ঞানীসকলে পূৰ্বেও এনে ধৰণৰ জেট বিচাৰি পাইছিল, এনজিচি ২৬৬৩ ৰ বৃহৎ আকাৰ (এক মিলিয়ন আলোক বৰ্ষতকৈও অধিক) আৰু আপেক্ষিক ঘনিষ্ঠতাই ইয়াক আটাইতকৈ বৃহৎ জেট বুলি স্বীকৃতি দিছে৷
এই বিশেষ গৱেষণাটো ৱেষ্টাৰ্ণ চিডনী বিশ্ববিদ্যালয়ৰ ডক্টৰেট ডিগ্ৰীৰ শিক্ষাৰ্থী ভেলিবৰে নেতৃত্ব দিছে, আৰু ইয়াক ৰয়েল এষ্ট্ৰোনমিকেল চছাইটিৰ মাহেকীয়া আলোচনীত প্ৰকাশৰ বাবে গ্ৰহণ কৰা হৈছে।
Continue Reading
