আজব ঘটনা! এইবাৰ চোৰে চুৰি কৰিলে দলং

ডিজিটেল ডেস্কঃ ৰাজহুৱাভাৱে, সকলোৰে চকুৰ সন্মুখত ৬০ ফুট দীঘল এখন  দলং চুৰি হৈছে! বিহাৰৰ ৰৌহতাচ জিলাত এই ঘটনাটো সংঘটিত হৈছে। স্থানীয় সূত্ৰ অনুসৰি, দলংখন দীৰ্ঘদিন ধৰি ব্যৱহাৰ কৰা হোৱা নাছিল। চৰকাৰী বিভাগৰ লোক বুলি পৰিচয় দি এই চুৰি কাণ্ড সংঘটিত কৰিছিল।

স্থানীয়লোকসকলে কয় যে তেওঁলোক জলসিঞ্চন বিভাগৰ বিষয়া বুলি পৰিচয় দিছিল। তাৰ পিছত, দলংখন গেছ কাটাৰেৰে কাটি খুলি দিছিল। তেওঁলোকক চৰকাৰী বিষয়া বুলি ভাবি কোনেও তেওঁলোকৰ কামত বাধা দিয়া নাছিল। ঘটনা পোহৰলৈ অহাৰ পাছত তেওঁলোক ভুৱা বুলি গম পোৱা গৈছিল!

ঘটনাটোক লৈ একাংশলোকৰ খং উঠাপ পৰিৱৰ্তে, বহুতে বিষয়টোক উপহাস কৰিবলৈ আৰম্ভ কৰিছে! বহুতে আকৌ  চোৰৰ এনে কঠোৰ অভিযানৰ দ্বাৰা অভিভূত হৈছে!

জলসিঞ্চন বিভাগৰ হৈ এজন কনিষ্ঠ অভিযন্তা আৰ্শাদ কমল শামচিয়ে কৈছিল যে তেওঁলোকে গাওঁবাসীৰ পৰা এই অদ্ভুত ঘটনাৰ বিষয়ে তথ্য লাভ কৰিছিল। প্ৰথমে, তেওঁলোকে গেছ কাটাৰেৰে দলংখনৰ কিছু অংশ কাটি পেলাইছিল। ঘটনাটোৰ বিষয়ে গম পোৱাৰ পাছত স্থানীয় আৰক্ষী থানাত জলসিঞ্চন বিভাগে এটা অভিযোগ দাখিল কৰিছিল।

সাংবাদিকৰ প্ৰশ্নৰ উত্তৰ দি আৰ্শাদে কয়, "গাওঁবাসীয়ে ইয়ালৈ আহি কয় যে জলসিঞ্চন বিভাগৰ কিছুবিষয়া দলঙৰ ওচৰলৈ আহিছিল। তেওঁলোকে সেই অব্যৱহৃত দলংখন সামগ্ৰী চুৰ কৰি লৈ গৈছে! তেওঁলোকৰ লগত গেছ কাটাৰ আৰু জেচিবি যন্ত্ৰ আছিল। "এই কথা শুনি জলসিঞ্চন বিভাগৰ প্ৰকৃত বিষয়াসকল হতবাক হৈ পৰিছিল। কিন্তু যি ঘটিছে সেয়াই সঁচা।

দলংখন ১৯৭২ চনত নিৰ্মাণ কৰা হৈছিল। পাছত, উপযুক্ত ৰক্ষণাবেক্ষণৰ অভাৱৰ বাবে, দলংখন ব্যৱহাৰৰ অযোগ্য হৈ পৰে। স্থানীয় লোকসকলে অভিযোগ কৰিছিল যে সকলো বোৰ জনা স্বত্বেও প্ৰশাসনে ইয়াক মেৰামতি কৰিবলৈ কোনো প্ৰচেষ্টা হাতত লোৱা নাছিল।