ডিজিটেল ডেস্কঃ মেছি অনুৰাগীসকলৰ বাবে অত্যন্ত উদ্বেগপূৰ্ণ খবৰ! বিশ্বকাপৰ চেমিফাইনেলৰ পৰা বাদ পৰিব পাৰে আৰ্জেণ্টিনাৰ মূল তাৰকাগৰাকী! ক্ৰ’ৱেছিয়াক প্ৰত্যাহ্বান জনাবলৈ খেলপথাৰত নামিব নোৱাৰিবও পাৰে মেছিয়ে।
ইয়াৰ কাৰণ হৈছে কোৱাৰ্টাৰ ফাইনেলত নেদাৰলেণ্ডছৰ বিৰুদ্ধে কৰা মেছিৰ আচৰণ। তাৰকাগৰাকীৰ আক্ৰমণাত্মক আচৰণৰ বাবে ফিফাই কঠোৰ পদক্ষেপ ল’ব পাৰে।
নেদাৰলেণ্ডছৰ বিৰুদ্ধে কোৱাৰ্টাৰ ফাইনেলত ৰেফাৰীৰ ওপৰত মেজাজ উগ্ৰ হৈ পৰিছিল মেছিৰ। শান্ত স্বভাৱৰ মেছিৰ উগ্ৰমূৰ্তি দেখি স্তম্ভিত হৈ পৰে ফুটবলপ্ৰেমীসকল। মেচখনত হালধিয়া কাৰ্ডো লাভ কৰিছিল মেছিয়ে।
মেচ শেষ হোৱাৰ পাছতো ৰেফাৰীৰ বিৰুদ্ধে সোচ্চাৰ হৈছিল মেছি। মেচখনত ১৫ খন হালধিয়া কাৰ্ড দেখুৱাইছিল ৰেফাৰীয়ে। মেছিয়ে কয় যে এনেধৰণৰ ৰেফাৰীক আচলতে খেল পৰিচালনা কৰিবলৈ ফিফাই দিবই নালাগে।
তদুপৰি নেদাৰলেণ্ডছৰ কোচ এৰিক ভান হালৰ স’তেও উত্তেজনাপূৰ্ণ বাক্যবিনিময় কৰিছিল মেছিয়ে। কেৱল ভান হালেই নহয়, নেদাৰলেণ্ডছৰ খেলুৱৈক উদ্দেশ্যিও গালি গালাজ কৰিছিল মেছিয়ে।
ইয়াৰ ফলতে ফিফাই তদন্ত কৰিবলৈ উলাইছে মেছিৰ বিৰুদ্ধে। তাৰ পাছতে তীব্ৰ আশংকা বিৰাজ কৰিছে আৰ্জেণ্টাইন অনুৰাগীসকলৰ মাজত।
Continue Reading
