ডিজিটেল ডেস্কঃ ফুটবলৰ মহাৰণৰ আজি অন্তিম দিন। আজিয়েই নিৰ্ধাৰণ হ’ব কোন হ’ব বিশ্বৰ ফুটবলৰ ৰজা। ফাইনেল খেলখনৰ কেইঘণ্টামান আগতে ফিফা জ্বৰে এতিয়া আক্ৰান্ত কৰিছে সমগ্ৰ বিশ্বকে। ইয়াৰ পৰা মুক্ত হৈ থাকিব পৰা নাই ভাৰতো।
সমগ্ৰ বিশ্বতে এতিয়া প্ৰাক-মেচ উত্তেজনাই বিৰাজ কৰি আছে। ফুটবল অনুৰাগীসকলে আৰ্জেণ্টিনাৰ বাবে আনন্দ আৰু উল্লাস প্ৰকাশ কৰাও দেখা গৈছে। আনন্দৰ দৃশ্য ছচিয়েল মিডিয়াত ভাইৰেলো হৈ পৰিছে। ভাৰতৰ এখন ছবিখনে এতিয়া বহুতৰে দৃষ্টি আকৰ্ষণ কৰিছে।
মেছিৰ অনুৰাগী আৰু আৰ্জেণ্টিনা দলৰ প্ৰতি থকা মৰম ভাৰতত ব্যাপক হাৰত উপচি পৰিছে। আৰ্জেণ্টিনাৰ সমৰ্থনত সজাই তোলা এখন চাহৰ দোকানে এতিয়া নেটিজেনক আমোদ দিছে। পশ্চিম বংগৰ এই দোকান খনৰ এখন ফটো ছচিয়েল মিডিয়াত ভাইৰেল হৈ পৰিছে । য'ত এগৰাকী মহিলা অনুৰাগীয়ে আৰ্জেণ্টিনা দলৰ বাবে শুভকামনা জনোৱাৰ লগতে আৰ্জেণ্টিনাৰ বাবে আনন্দ প্ৰকাশ কৰিছে। আৰ্জেণ্টিনাৰ সফলতা কামনা কৰি তেওঁ গ্ৰাহকসকলক বিনামূলীয়াকৈ চাহ আগবঢ়াইছে।
গ্ৰাহকে বিনামূলীয়াকৈ চাহ খোৱাৰ লতে আৰ্জেণ্টিনাক আশীৰ্বাদ কৰিছে। আনকি চাহ প্ৰস্তুত কৰা দোকান খনৰ ছাইনবোৰ্ডৰ কাষত থিয় হৈ থকা মহিলাগৰাকীয়ে আৰ্জেণ্টিনাৰ বাবে বিনামূলীয়া চাহ খাই যাওঁক বুলিও কয়। চাইনবোৰ্ডত দোকান খনৰ নাম তাইক "কালু দি" বুলি উল্লেখ কৰা হৈছে।
Continue Reading
