ডিজিটেল ডেস্কঃ কংগ্ৰেছৰ ভাৰত জোড়ো যাত্ৰাত অংশ ল’ব অভিনেতা কমল হাছানে। অহা সপ্তাহত দিল্লীত প্ৰৱেশ কৰিব ৰাহুল গান্ধীৰ যাত্ৰাটোৱে। তাতে দেখা যাব দক্ষিণ ভাৰতৰ জনপ্ৰিয় অভিনেতাগৰাকীক।
উল্লেখ্য যে তামিলাডুত কমল হাছানে মাক্কাল নীদি মায়াম নামৰ এটা ৰাজনৈতিক দলৰো নেতৃত্বত আছে। দলটোৰ দ্বাৰা হাছানে তীব্ৰ বিজেপি বিৰোধী স্থিতি লৈ আছে। তেনেসময়তে, ৰাহুল গান্ধীৰ স’তে কমল হাছানে যাত্ৰাত অংশ লোৱাটোৱে বিশেষ তাৎপৰ্য বহন কৰিছে।
জানিব পৰামতে, ২৪ ডিচেম্বৰত দিল্লী প্ৰৱেশ কৰিব ভাৰত জোড়ো যাত্ৰাই। ৮ দিনৰ বিৰতি লোৱাৰ পাছত বিজেপি শাসিত উত্তৰপ্ৰদেশত সোমাব যাত্ৰাটো। তাৰপাছত হাৰিয়ানা, পাঞ্জাৱ, জম্মু-কাশ্মীৰত প্ৰৱেশ কৰিব ৰাহুল গান্ধীয়ে।
যোৱা শুক্ৰবাৰেই যাত্ৰাৰ ১০০ দিন পূৰ্ণ হৈছে। বৰ্তমানলৈকে তামিলনাডু, কেৰালা, কৰ্ণাটক, তেলেংগানা, অন্ধ্ৰপ্ৰদেশ, মহাৰাষ্ট্ৰ, মধ্যপ্ৰদেশ আৰু ৰাজস্থানক সামৰি লোৱা হৈছে। যাত্ৰাৰ ১০০ দিন উদযাপন কৰা হয় এটা সাংস্কৃতিক সন্ধিয়াৰে। তাত সুনিধি চৌহানে সংগীত পৰিৱেশন কৰে।
বৰ্তমানলৈকে কেইবাজনো জনপ্ৰিয় ব্যক্তিয়ে যাত্ৰাটোত অংশ লৈছে। ইয়াৰ ভিতৰত অন্যতম হ’ল ৰিভাৰ্ভ বেংক অৱ ইণ্ডিয়াৰ প্ৰাক্তন গভৰ্ণৰ ৰঘুৰাম ৰাজন, অভিনেত্ৰী স্বাৰা ভাস্কৰ, ৰিয়া সেন, পূজা ভাট ইত্যাদি।
Continue Reading
