ডিজিটেল ডেস্কঃ আৰ্জেণ্টিনাই এইবাৰো জয় কৰিব নোৱাৰে বিশ্বকাপ। এই বক্তব্য প্ৰদান কৰিছে ব্ৰাজিলৰ বিশ্বকাপবিজয়ী প্ৰাক্তন তাৰকা ৰোণাল্ডো নাজাৰিয়’ই। ৰোণাল্ডোৱে কয় যে যোৱাবাৰৰ দৰেই এইবাৰো ফ্ৰান্সেই জয় কৰিব বিশ্বকাপ।
বিশ্বকাপৰ চেমিফাইনেলত উপনীত হোৱাৰ পাছতে আৰ্জেণ্টিনাৰ অনুৰাগীসকলৰ মাজত উৎসাহৰ অন্ত নাই। অৱশেষত লিঅ’নেল মেছিয়ে মাৰাডোনাৰ দৰেই বিশ্বজয় কৰাৰ সপোন দেখা আৰম্ভ কৰিছে অনুৰাগীসকলে। কিন্তু ৰোণাল্ডোৰ এই বক্তব্য এই সময়ছোৱাতে লক্ষ্যণীয় হৈ পৰিছে।
“বিশ্বকাপৰ আৰম্ভণিৰে পৰা মোৰ অনুমান আছিল যে ব্ৰাজিল বা ফ্ৰান্সৰ মাজৰে কোনোবাই বিশ্বকাপ জিকিব। ব্ৰাজিলৰ এতিয়া প্ৰতিযোগিতাৰ পৰা বাহিৰ হৈছে। কিন্তু ফ্ৰান্স আছে।”- ৰোণাল্ডোৱে কয়।
কিন্তু কিয় আৰ্জেণ্টিনাই বিশ্বকাপ জিকিব নোৱাৰে সেয়াও জনায় ফুটবল তাৰকাগৰাকীয়ে। কয়- “আৰ্জেণ্টিনাই মেছিৰ ওপৰতে নিৰ্ভৰ কৰে। মেছিক ধৰি ৰাখিব পাৰিলে দলটোৰ জিকা কঠিন হৈ পৰে। কিন্তু ফ্ৰান্স কোনো এজন ফুটবলাৰৰ ওপৰত নিৰ্ভৰ নকৰে। অনেক ভাল ভাল ফুটবলাৰ আছে দলটোত।”
উল্লেখ্য যে দুহেজাৰ দুই চনৰ বিশ্বকাপত দমনীয় প্ৰদৰ্শন আগবঢ়াইছিল ৰোণাল্ডোৱে। সেইবাৰ ব্ৰাজিলে বিশ্বকাপ জয় কৰিছিল। জাৰ্মানীৰ স’তে হোৱা ফাইনেলত ৰোণাল্ডোৱে দুটাকৈ গ’ল কৰিছিল।
Continue Reading
