ডিজিটেল ডেস্কঃ ইৰাণৰ এখন আদালতে এক ইৰাণী দম্পতীক সামাজিক মাধ্যমত ৰাস্তাত নৃত্য কৰাৰ এটা ভিডিঅ’ পোষ্ট কৰাৰ বাবে ১০ বছৰৰ কাৰাদণ্ড প্ৰদান কৰিছে। তেওঁলোকক দুৰ্নীতি, পতিতাবৃত্তিৰ বাবে দোষী সাব্যস্ত কৰা হৈছে। বিবিচিৰ এক বাতৰিত এই কথা প্ৰকাশ পাইছে।
ভিডিঅ’টোত দম্পতীহালক তেহৰাণৰ আজাদী টাৱাৰত নৃত্য কৰা দেখা গৈছে। কিন্তু তাতে ক্ষুণ্ন হৈ পৰে প্ৰশাসন।
উল্লেখ্য যে ইৰাণত তীব্ৰভাৱে হিজাব বিৰোধী আন্দোলন চলি আছে। ইৰাণৰ কৰ্তৃপক্ষই প্ৰতিবাদত যোগদান কৰা লোকসকলক কঠোৰ শাস্তিও প্ৰদান কৰিছে।
অৱশ্যে এই দম্পতীৰ নৃত্য ইৰাণত চলি থকা প্ৰতিবাদৰ সৈতে সম্পৰ্কিত নহয়। উক্ত দম্পতীটোৱে তেওঁলোকৰ ইনষ্টাগ্ৰাম একাউণ্টত এটা ভিডিঅ’ পোষ্ট কৰাৰ পিছত গ্ৰেপ্তাৰ কৰা হৈছে। সামাজিক মাধ্যমত তেওঁলোকৰ প্ৰায় দুই মিলিয়ন অনুসৰণকাৰী আছে।
Continue Reading
