ডিজিটেল ডেস্ক: কুঁৱলীৰ প্ৰকোপৰ বাবে দেওবাৰে বেংগালুৰুৰ কেম্পেগৌড়া আন্ত:ৰাষ্ট্ৰীয় বিমানবন্দৰৰ পৰা ৫০খনতকৈও অধিক ঘৰুৱা বিমানৰ উৰণত বিলম্ব হৈছে৷
বাতৰি অনুসৰি, কুঁৱলীজনিত পৰিস্থিতিৰ বাবে গোৱা, দিল্লী, বাৰাণসী, মুম্বাই, প্ৰয়াগৰাজ আৰু বিজয়ৱাড়ালৈ যাত্ৰা কৰিবলগীয়া কেইখনমান বিমান বাতিল কৰা হৈছিল। বিলম্বিত বিমানৰ ভিতৰত ইণ্ডিগো, আকাশ এয়াৰ আৰু এয়াৰ ইণ্ডিয়াৰ বিমান আছিল৷ আৰু তাৰফলত বেংগালুৰু বিমানবন্দৰৰ টাৰ্মিনেল-১ত দেখা গৈছিল বিশৃংখল পৰিস্থিতি৷
সোমবাৰে পুৱা বিমানসমূহ পলমকৈ চলি আছে। ইণ্ডিগোৱে পলম হোৱাৰ কাৰণ দৰ্শাই কৈছিল যে অহা বিমানৰ অৱতৰণ পলম হৈছে। আমি অসুবিধাখিনি সম্পূৰ্ণৰূপে বুজি পাওঁ আৰু এইটো কেতিয়াও আমাৰ উদ্দেশ্য নাছিল৷ অৱশ্যে, কাৰ্যকৰী কাৰণত আগন্তুক বিমান পলমকৈ অহাৰ বাবে আমি বিলম্বৰ সন্মুখীন হৈছোঁ৷
কেৱল বেংগালুৰুতে নহয়, দেশৰ উত্তৰ অংশত ঘন কুঁৱলীৰ বাবে দিল্লীৰ পৰা যাত্ৰা কৰিবলগীয়া বহুতো বিমান বিলম্বিত হৈছে। যদিও বিলম্বিত বিমানৰ সংখ্যাসম্পৰ্কে কোনো আনুষ্ঠানিক নিশ্চিতি পোৱা হোৱা নাই, দিল্লী বিমানবন্দৰৰ ৱেবছাইটত দেখুওৱা হৈছিল যে গোটেই দিনটোত প্ৰায় ২০০খন বিমান বিলম্বিত হৈছিল।
Continue Reading
