ডিজিটেল ডেস্ক: ‘ক'ৰোনা মহামাৰীৰ নায়ক’ সোণু ছুদৰ আজি ওপজা দিন। ২০২০ বৰ্ষৰ ত্ৰাণকৰ্তা কভিড মহামাৰীৰ কোনো পৰিচয়ৰ প্ৰয়োজন নাই। ভাৰতে ক’ৰোনা মহামাৰীৰ বিধ্বংসী ঢৌৰ সৈতে মোকাবিলা কৰাৰ সময়তে অভিনেতাগৰাকীয়ে যোৱা এটা বছৰৰ ভিতৰত সাহায্য প্ৰদানৰ কামত আগশাৰীত আছিল, প্ৰব্ৰজনকাৰীসকলক নিজৰ ঘৰলৈ উভতি অহাত সহায় কৰিছিল আৰু লগতে ভাল সুবিধাজনক অক্সিজেন আৰু চিকিৎসালয়ৰ বিচনাও যোগান ধৰিছিল। কেৱল সেয়াই নহয়, ভাৰতত প্ৰব্ৰজিত শ্ৰমিক সকলৰ কৰ্মসংস্থাপনৰ সুবিধা পুষ্টিৰ বাবে ‘প্ৰবাসী ৰোজগৰ’ নামেৰে এখন মঞ্চ তৈয়াৰ কৰাত সহায় কৰিছে সোণু ছুদে। আজি তেখেতৰ জন্মদিন ।
তামিল ছবি ‘কল্লাঝাগৰ’ৰ জৰিয়তে অভিনেতা গৰাকীয়ে কেৰিয়াৰ আৰম্ভ কৰিছিল। 'শ্বাহীদ-ই-আজম'ৰ জৰিয়তে বলিউডত অভিষেক ঘটায় চনুৱে। এই ছবিখনত চনুৱে ভগৱত সিঙৰ চৰিত্ৰত অভিনয় কৰিছিল। ছবিখনত তেওঁৰ অভিনয়ক অতিশয় প্ৰশংসা কৰা হৈছিল। ইয়াৰ পাছত অভিনেতা গৰাকীয়ে কেতিয়াও পিছলৈ ঘূৰি নাচালে।
সামাজিক কামৰ সমান্তৰালকৈ এজন মহান অভিনেতা চনু ছুড।প্ৰতিটো ভূমিকাতে তেওঁ দৰ্শকক নতুন কিবা এটা দিছে। আজি তেখেতৰ জন্মদিনত বিভিন্ন ভাষাত চনু ছুডে অভিনয় কৰা কেইখনমান ছবিৰ বিষয়ে জানো আহক:
ডাবাং
২০১০ চনত মুক্তি লাভ কৰিছিল ছলমান খানৰ ‘ডাবাং’। ছবিখনত তেওঁক খলনায়ক চেদী সিঙৰ ৰূপত দেখা গৈছে।
জোধা আকবৰ
এই ছবিখন ২০০৮ চনত মুক্তি লাভ কৰিছিল। সম্পূৰ্ণ বেলেগ চৰিত্ৰত দেখা গৈছে সোণুক। ছবিখনত যোধা বাইৰ ভাতৃ সুজামালৰ চৰিত্ৰত দেখা গৈছে অভিনেতা গৰাকীক। তেওঁৰ চৰিত্ৰৰ বাবে অতিশয় প্ৰশংসা কৰা হয়।
বুদ্ধা হ'গা তেৰা বাপ
২০১১ চনৰ এই হিন্দী একচন-কমেডী ছবিখনত অভিনয় কৰিছিল। পুৰী জগন্নাদৰ পৰিচালনাত নিৰ্মিত এই ছবিখনত মুখ্য চৰিত্ৰত আছিল অমিতাভ বচ্চন। পুলিচৰ চৰিত্ৰত অভিনয় কৰিছিল চনু ছুডে।
জুলাইয়ী
এই ছবিখনত তেওঁক খলনায়ক হিচাপেও দেখা গৈছে। চৰিত্ৰটোৰ নাম ‘গুৰুজী’ ত্ৰিবিক্ৰম শ্ৰীনিবাস। ছবিখনত সোণুক এজন গুণ্ডা হিচাপে দেখা গৈছে যিয়ে এটা গেঙৰ সৈতে টিম আপ কৰি বেংক লুট কৰে। ব্যৱসায়িকভাৱে সফল ছবিখন তামিল ভাষাত পুনৰ নিৰ্মাণ কৰা হৈছিল ‘সাগাসাম’ হিচাপে।
বিষ্ণুবৰ্ধন
২০১১ চনৰ এই ছবিখনত এজন গুণ্ডা চৰিত্ৰত দেখা গৈছে চনু ছুডক । ছবিখনৰ নায়কে গুণ্ডাবোৰৰ পৰা এটা ফোন চুৰি কৰাৰ পাছত ইটোৰ পাছত সিটো কথাৰে ছবিখনৰ কাহিনী আগবাঢ়ে।
Continue Reading
