ডিজিটেল ডেস্কঃ আজি অসমলৈ আহিব কেন্দ্ৰীয় গৃহমন্ত্ৰী অমিত শ্বাহ। প্ৰথমে ডিব্ৰুগড়ত ভৰি থবহি অমিত শ্বাহে। দিনৰ ১০.১০ বজাত অমিত শ্বাহৰ হেলিকপ্টাৰ দিল্লীৰ পৰা উৰা মাৰি ১২ বজি ৪০ মিনিটত ডিব্ৰুগড়ৰ মোহনবাৰী বিমান বন্দৰ পাবহি আৰু মোহনবাৰী বিমান বন্দৰৰ পৰা ১২.৪৫ বজাত তেওঁ অৰুণাচল প্ৰদেশৰ কিৱিতুলৈ ৰাওনা হ'ব।
দিনৰ ২ বজাত তেওঁ আনজাউ জিলাৰ কিৱিতুত উপস্থিত হ'ব অমিত শ্বাহ। অৰুণাচল প্ৰদেশৰ কেইবাটাও কাৰ্যসূচীত অংশগ্রহণ কৰিব মন্ত্রীগৰাকীয়ে। কাইলৈ ১১.৩৫ বজাত ৱালৱালঙৰ পৰা ডিব্ৰুগড়ৰ অভিমুখে পুনৰ হেলিকপ্টাৰ যোগে ৰাওনা হ'ব অমিত শ্বাহ আৰু দিনৰ ১২.৩৫ বজাত তেওঁ ডিব্ৰুগড়ৰ মোহনবাৰী বিমান বন্দৰত উপস্থিত হ'বহি।
তাৰপৰা তেওঁ ১২.৪০ত ডিব্ৰুগড়ৰ মানকতা খেলপথাৰত অনুষ্ঠিত হ'বলগীয়া জনসভাৰ স্থলীলৈ ৰাওনা হব। ১২:৫০ ত মানকতাত উপস্থিত হ'ব কেন্দ্ৰীয় গৃহমন্ত্ৰীগৰাকী। এই স্থানতে জনসভা বিজেপিৰ নতুন কাৰ্যালয়ৰ ভূমি পূজন ইত্যাদি সম্পন্ন কৰি তেওঁ আহাৰ গ্ৰহণ কৰিব আৰু পুনৰ সেই পথেৰে মোহনবাৰী বিমান বন্দৰলৈ ৰাওনা হ'ব। আৰু বিয়লি ২:১০ বজাত বিমান বন্দৰ পোৱাৰ পাছত ২:১৫ দিল্লী অভিমুখে ৰাওনা যাব আৰু ৪.৪৫ বজাত নতুন দিল্লী পাবগৈ।
অমিত শ্বাহৰ অসম তথা অৰুণাচল প্ৰদেশলৈ আগমনক লৈ ব্যাপক উচাহ দেখিবলৈ পোৱা গৈছে বিজেপি দলৰ কৰ্মকৰ্তাৰ মাজত
Continue Reading
