ডিজিটেল ডেস্কঃ গোটেই ৰমজান মাহটো ৰোজা ৰখাৰ অন্তত আজি সমগ্ৰ দেশতে উলহ-মালহেৰে পালন কৰা হৈছে পবিত্ৰ ঈদ-উল-ফিতৰ। আকাশত ঈদৰ জোন প্ৰত্যক্ষ হোৱাৰ পাছতেই উদযাপন কৰা হৈছ ঈদ।
এই পবিত্ৰ ক্ষণত ইছলাম ধৰ্মাৱলম্বী লোকসকলৰ মাজত ব্যাপক উচাহ দেখিবলৈ পোৱা যায়। এমাহ ধৰি ৰোজা ৰখাৰ পাছত ইছলাম ধৰ্মীয়ে অতি আন্তৰিকতাৰে পালন কৰিছে ঈদ। প্ৰেম-ভাতৃত্ববোধৰ বাৰ্তাৰে ইজনে আনজনক জনাইছে ঈদৰ শুভেচ্ছা।
বিশ্বজুৰি ইছলাম ধৰ্মাৱলম্বী লোকসকলৰ মাজত দেখা গৈছে ঈদৰ আনন্দ। ঈদ উপলক্ষে দেখা যায় প্ৰেম–ভাতৃত্ববোধৰ ছবি। লগতে থাকে নতুন পোছাক পৰিধান কৰাৰ ৰীতি, বিভিন্ন ধৰণৰ সুস্বাদু ব্যঞ্জনৰ জুতি।
পুৱাই ঈদগাহ, ময়দান সমূহত সমূহীয়া নামাজ আদায় কৰিছে তেওঁলোকে। ৰমজান মাহ কেতিয়াবা ২৯ দিনীয়া হয়, কেতিয়াবা ৩০ দিনীয়া। ৰমজানৰ শেষত আকাশত জোন দেখাৰ পিছতে পালন কৰা হয় আনন্দৰ পৱিত্ৰ ঈদ। ইছলাম ধৰ্মৰ কেলেণ্ডাৰ লুনাৰ বা চন্দ্ৰৰ কেলেণ্ডাৰৰ ওপৰত নিৰ্ভৰশীল। আৰু সেই কেলেণ্ডাৰ মানি প্ৰতি বছৰে পৃথক পৃথক দিনত পালিত হয় ঈদ।
সমগ্ৰ বিশ্বৰ লগতে অসমতো ইছলাম ধৰ্মাৱলম্বী লোকসকলৰ মাজত দেখা গৈছে উখল–মাখল পৰিৱেশ। প্ৰেম–ভাতৃত্ববোধৰ বাৰ্তাৰে ইজনে আনজনক জনাইছে ঈদৰ শুভেচ্ছা। গুৱাহাটী মহানগৰীতো ঈদক লৈ দেখা গৈছে আনন্দমুখৰ পৰিৱেশ। সমূহীয়া নামাজৰ বাবে সজাই পৰাই তোলা হৈছে ঈদগাহসমূহ। নামাজৰ বাবে পুৱাই ঈদগাহসমূহত সমবেত হৈছে ইছলাম ধৰ্মাৱলম্বী লোকসকল।
এই ঈদে প্ৰতিগৰাকী লোকলৈ কঢ়িয়াই আনক শান্তি, সমৃদ্ধি, ভাতৃত্ববোধৰ বতৰা। পৱিত্ৰ ঈদৰ অলেখ শুভেচ্ছা।
Continue Reading
