ডিজিটেল ডেস্কঃ সোমবাৰে প্ৰবীণ তাৰকা ঋষি কাপুৰৰ বয়স হ’লহেঁতেন ৭১ বছৰ। তিনি বছৰ পূৰ্বে লিউকেমিয়াৰ বাবে তেওঁৰ মৃত্যু হৈছিল যদিও তেওঁৰ স্মৃতি সকলোৰে মাজত জীয়াই আথে -- বিশেষকৈ তেওঁৰ ছবি আৰু তেওঁৰ পৰিয়ালৰ ছবিৰ জৰিয়তে। আজি তেওঁৰ ৭১ সংখ্যক জন্ম জয়ন্তীত তেওঁৰ কন্যা ৰিদ্ধিমা কাপুৰ সাহনীয়ে শৈশৱৰ দিনৰ এখন ছুপাৰ কিউট ছবি ড্ৰপ কৰে।
ছবিখনত দেখা গৈছে যে কণমানি ৰিদ্ধিমা আৰু কণমানি ৰণবীয়ে তেওঁলোকৰ দেউতাক ঋষি কাপুৰৰ সৈতে ষ্টাইলিছভাৱে পোজ দিছে। পোষ্টটোৰ কেপচনত লিখিছে, "হেপি বাৰ্থডে পাপা (হোৱাইট হাৰ্ট ইমোজি)। আজি আৰু অলপ মিছ ইউ...।"
লিউকেমিয়া ৰোগত আক্ৰান্ত হৈ দুবছৰীয়া যুঁজৰ অন্তত ২০২০ চনৰ ৩০ এপ্ৰিলত ৬৭ বছৰ বয়সত মৃত্যু হয় ঋষিৰ। ববি, চান্দনী, হেন্না, সাগৰ, ডো দুনী চৰ, অগ্নিপাথ, অমৰ আকবৰ এন্থনী, কভি কভি, নাছিব, কুলি আৰু আজুবা, কাপুৰ এণ্ড সন্স আৰু মুলকে আদি বহু ছবিত কাম কৰিছিল তেওঁ।
Continue Reading
