ডিজিটেল ডেস্কঃ ইউটিউবত এজন জ্যেষ্ঠ ৰাজনীতিবিদৰ বিৰুদ্ধে অপপ্ৰচাৰ কৰি গুগলে তেওঁৰ ৰাজনৈতিক জীৱন নষ্ট কৰিছে! হয়, দিনদিয়েক আগেয়ে এনে অভিযোগেই উত্থাপিত হৈছিল। অষ্ট্ৰেলিয়াৰ এখন আদালতে গুগলক এই অপৰাধৰ বাবে দোষী সাব্যস্ত কৰিছে। আদালতে ৰাজনীতিবিদজনক ৫ লাখ ১৫ হাজাৰ টকাৰ ক্ষতিপূৰণ দিবলৈ নিৰ্দেশ দিছে গুগলক। আদালতৰ মতে, গুগলৰ অদূৰদৰ্শীতাৰ বাবে ৰাজনৈতিক নেতাগৰাকীয়ে নিজৰ কেৰিয়াৰ অকালতে শেষ কৰিবলগীয়া হোৱা বুলি জনাইছে।
অষ্ট্ৰেলিয়ান এই ৰাজনীতিবিদজনৰ নাম জন বাৰিলাৰো। তেওঁ অষ্ট্ৰেলিয়াৰ আটাইতকৈ জনবহুল প্ৰদেশ নিউ চাউথ ৱেলছৰ উপ-সভাপতি। অষ্ট্ৰেলিয়াৰ এখন আদালতে ৰায় দিছে যে এজন ৰাজনৈতিক মন্তব্যকাৰীয়ে ইউটিউবত জন আক্ৰমণৰ দুটা ভিডিঅ’ শ্বেয়াৰ কৰিছিল। ইউটিউবত আঠ মিলিয়ন বাৰ এই ভিডিঅ’ দুটা চোৱা হৈছে। গুগলৰ মালিকানাধীন ইউটিউবত এই ভিডিঅ’ দুটাই লাখ লাখ টকা উপাৰ্জন কৰিছে। আদালতৰ মতে, কোনো প্ৰামাণিক তথ্য নোহোৱাকৈ গুগলে এনেদৰে মানহানি তথা অপপ্ৰচাৰৰ কৰা বাবে ক্ষতিপূৰণ দিব লাগিব।
ৰাজনৈতিক মন্তব্যকাৰী জৰ্ডান শ্বেংকে ইউটিউবত প্ৰকাশ কৰা ভিডিঅ’ দুটাত ৰাজনীতিবিদজনক দুৰ্নীতিত লিপ্ত ৰাজনীতিবিদ বুলি অভিহিত কৰাৰ লগতে তেওঁৰ চৰিত্ৰ আৰু সততাক লৈয়ো প্ৰশ্ন উত্থাপন কৰা দেখা গৈছে। আনকি তেওঁক বৰ্ণবাদী বুলিও অভিযোগ উত্থাপন কৰা হৈছিল ভিডিঅ’টোৰ যোগেদি। ২০২০ চনৰ এই দুটা ভিডিঅ’ৰ বাবে ২০২১ চনৰ অক্টোবৰৰ আৰম্ভণিতে জন বাৰেলোৱে ৰাজনীতি এৰিবলৈ বাধ্য হৈছিল।
Continue Reading
