ডিজিটেল ডেস্কঃ বিকি কৌশল-কেটৰিনা কাইফৰ দৰে কিয়াৰা আদৱানী আৰু সিদ্ধাৰ্থ মালহোত্ৰাই বিবাহৰ বাবে ৰাজস্থানক বাছি লৈছে। দুয়োৰে বিয়া হ’ব ৰাজস্থানৰ বিখ্যাত জয়ছালমেৰ চহৰৰ বিলাসী সূৰ্যগড় প্ৰাসাদত। সূৰ্যগড় প্ৰাসাদত বিয়াৰ প্ৰস্তুতি পূৰ্ণগতিত চলি আছে আৰু অতিথিসকলৰ বাবে ৮৪টা কোঠা বুকিং কৰা হৈছে। তিনিদিন ধৰি চলিব এই বিবাহ অনুষ্ঠান।
আজিকালি ৰাজস্থান হৈ পৰিছে বলীউডৰ তাৰকাসকলৰ বাবে সৰ্বশ্ৰেষ্ঠ বিয়াৰ গন্তব্যস্থান। বিগত কেইবাবছৰত বলীউডৰ বহু চেলিব্ৰিটিয়ে ৰাজস্থানক বাছি লৈছিল। এতিয়া এই তালিকাত যোগ হল সিদ্ধাৰ্থ মালহোত্ৰা কিয়াৰা আদবানীৰ নাম।
সূৰ্য্যগড় প্ৰাসাদ এটা দুৰ্গ যাক ভিতৰৰ পৰা বিলাসী হোটেলৰ ৰূপ দিয়া হৈছে। ইয়াত আধুনিক সকলো সুবিধা আছে যিয়ে এই হোটেলখনক ব্যয়বহুল আৰু বিলাসী কৰি তুলিছে।
সূৰ্যগড় প্ৰাসাদৰ প্ৰতিটো কোঠাৰ ভিতৰৰ অংশ আৰু থিম সম্পূৰ্ণ বেলেগ। যদি আপুনি ৩টা শোৱা কোঠা থকা কোঠা এটা লয়, তেন্তে এৰাতিৰ বাবে ১ লাখ ৫০ হাজাৰ টকা দিব লাগিব।
খবৰ অনুসৰি কিয়াৰা আৰু সিদ্ধাৰ্থই তেওঁলোকৰ বিয়াৰ বাবে ৮৪টা কোঠা বুকিং কৰিছে।কেৱল এয়াই নহয়, অতিথিসকলৰ বাবে ৭০খনতকৈও অধিক বিলাসী গাড়ীৰো ব্যৱস্থা কৰা হৈছে।
কিয়াৰা আৰু সিদ্ধাৰ্থ মালহোত্ৰাৰ প্ৰেম কাহিনী আৰম্ভ হৈছিল ‘শ্বেৰশ্বাহ’ ছবিৰ পৰা। এই ছবিখনৰ শ্বুটিঙৰ সময়ত দুয়োজনে ইজনে সিজনৰ লগত ডেটিং আৰম্ভ কৰিছিল।
Continue Reading
