ডিজিটেল ডেস্কঃ সামান্থা ৰুথ প্ৰভু দক্ষিণৰ চলচ্চিত্ৰৰ এগৰাকী অন্যতম জনপ্ৰিয় অভিনেত্ৰী। তেওঁ অলপতে এটা বিৰল ৰোগত আক্ৰান্ত হৈছিল। তথাপি তেওঁ থমকি ৰ’বলৈ ইচ্ছুক নহয়। ‘শকুন্তলম’ ছবিৰ মুক্তিৰ উপৰিও আন কেইবাখনো চলচ্চিত্ৰৰ কামত ব্যস্ত হৈ আছে দক্ষিণৰ মোহময়ী অভিনেত্ৰীগৰাকী।
‘শকুন্তলম’ৰ ট্ৰেইলাৰ জানুৱাৰীত মুক্তি দিয়া হৈছিল। বাতৰি অনুসৰি, দক্ষিণৰ তাৰকা পৰিচালক গুণশেখৰৰ এই ছবিখনত সামান্থাই ৩০ কিলোগ্ৰাম ওজনৰ শাৰী পিন্ধি দৃশ্যগ্ৰহণ কৰিছিল। শাৰীয়েই নহয়, শকুন্তলা হ’বলৈ সামান্তাই পৰিধান কৰিছিল ৩ কোটি টকাৰ অলংকাৰো! সেই দৃশ্যৰ দৃশ্যগ্ৰহণ এদিন বা দুদিনৰ বাবে নহয়, এসপ্তাহ ধৰি চলিছিল।
‘শকুন্তলম’ ছবিখন কবি কালিদাসৰ নাটক ‘অভিজ্ঞান শকুন্তলম’ৰ ওপৰত আধাৰিত। সামান্থাই ছবিখনত মুখ্য চৰিত্ৰত অভিনয় কৰিছে। আনহাতে দক্ষিণৰ অভিনেতা দেৱ মোহনে মহাৰাজা দুষ্মন্তৰ চৰিত্ৰত অভিনয় কৰিছে।
কবীৰ বেদী, প্ৰকাশ ৰাজ, অদিতি বালান, গৌতমী আৰু অন্যান্যসকল গুৰুত্বপূৰ্ণ ভূমিকাত আছে। এই চলচ্চিত্ৰখনত দক্ষিণৰ তাৰকা আল্লু অৰ্জুনৰ ৯ বছৰীয়া কন্যা আল্লু আৰহাৰে চেলুলইডত ভূমুকি মাৰিছে। শিশু আৰহাক দুষ্মন্ত আৰু শকুন্তলাৰ পুত্ৰৰ ভাৰতৰ চৰিত্ৰত দেখা যাব।
গুণশেখৰৰ দ্বাৰা পৰিচালিত এই ছবিখন তেলেগু, তামিল, কানাড়া, মালায়ালম আৰু হিন্দী পাঁচটা ভাষাত মুক্তি দিয়া হ’ব। ছবিখনৰ এটা থ্ৰি ডি সংস্কৰণো থাকিব। ‘শকুন্তলম’ অহা ১৭ ফেব্ৰুৱাৰীত ছবিগৃহত মুক্তি পাব।
Continue Reading
