ডিজিটেল ডেস্কঃ উঁই পোকৰ খাদ্য হ’ল টকা! এনে ঘটনাই ঘটিছে ৰাজস্থানত ৷ ৰাজ্য খনৰ উদয়পুৰ চহৰৰ কালাজী গোৰাজী অঞ্চলৰ পঞ্জাৱ নেচনেল বেংকৰ শাখাত ঘটিছে এক আচৰিত ঘটনা । উঁই পোকে বেংকটোৰ লাখ টকাৰ নোট আৰু লকাৰত ৰখা এগৰাকী মহিলাৰ সম্পত্তিৰ নথিপত্ৰ খাই নিঃশেষ কৰিছে।
উদয়পুৰ চহৰৰ কালাজী গোৰাজীত অৱস্থিত পাঞ্জাৱ নেচনেল বেংকৰ লকাৰত ৰখা দুই লাখ পোন্ধৰ হাজাৰ টকাৰ নোট উঁই পোকে সমূলি খাই পেলাইছে৷ জানিব পৰা মতে বেংকটোৰ ২৬৫ নম্বৰৰ লকাৰৰ গৰাকী সুনীতা মেহতাই তেওঁৰ লকাৰত পৰি থকা টকাখিনি উলিয়াবলৈ গৈছিল৷ কিন্তু লকাৰ খোলাৰ পিছত তাত টকা পোৱা নগ’ল৷ মাথো উই পোকেৰে লকাৰটো ভৰি আছিল৷ লকাৰত উঁই দেখি মহিলাগৰাকীয়ে বেংক মেনেজমেণ্টক কাটো অৱগত কৰিলে।
মহিলাগৰাকীয়ে প্ৰকাশ কৰা মতে কাপোৰৰ মোনা এখনত দুই লাখ টকা ৰখা হৈছিল৷ আনহাতে ১৫ হাজাৰ টকা বেগৰ বাহিৰত ৰখা হৈছিল। এই ঘটনাৰ পিছতে বাকী লকাৰ থকা সকলকো লকাৰ খুলি চাবলৈ বেংকলৈ মতা হৈছে৷ বেঙ্ক কৰ্মচাৰীসকলৰ অৱহেলাৰ বাবেই এনে ঘটনা ঘটা বুলি বহুতে অভিযোগ কৰিছে৷ মহিলাগৰাকীক ক্ষতিপূৰণ আদায় দিয়াৰো দাবী উত্থাপন কৰিছে বহুতে৷
Continue Reading
