ডিজিটেল ডেস্কঃ তেলেগু-তামিল চলচ্চিত্ৰ জগতৰ অন্যতম জনপ্ৰিয় অভিনেতা ৰামচৰণ৷ দৃশ্যগ্ৰহণৰ ব্যস্তাৰ মাজতে অভিনেতা ৰাম চৰণে কৰ্কট ৰোগত আক্ৰান্ত এটি শিশুক লগ কৰিবলৈ গৈ শিশুটিৰ মুখত হাঁহি বিৰিঙাই তুলিবলৈ সক্ষম হৈছে।
আৰআৰআৰৰ তাৰকাগৰাকীয়ে হায়দৰাবাদৰ স্পৰ্শ চিকিৎসালয়লৈ গৈ শিশুটিক লগ কৰে৷ অভিনেতাগৰাকীয়ে ৯ বছৰীয়া অনুৰাগী ৰাবুল মণি কুশলৰ সৈতে চিকিৎসালয়লৈ গৈ বাৰ্তালাপ কৰে আৰু তেওঁক এটা উপহাৰ দি আচৰিত কৰি দিয়ে।
ৰাম চৰণে শিশু অনুৰাগীজনৰ সৈতে বাৰ্তালাপ কৰাৰ ফটো ছচিয়েল মিডিয়াত প্ৰকাশ পাইছে। মানুহে অভিনেতাজনক তেওঁৰ এনে কাৰ্যৰ বাবে প্ৰশংসা কৰিছে। এজন অনুৰাগীয়ে ছ’চিয়েল মিডিয়াত লিখিছে তেওঁৰ অনুৰাগী হ'বলৈ পাই গৌৰৱান্বিত। এজনে মন্তব্য কৰিছে, " এনে সৰু সৰু কথাবোৰেৰেই জীৱন বহুদূৰ আগবাঢ়ে।" আন এজনে লিখিছে, "এই ব্যক্তিজন সঁচাকৈয়ে নম্ৰ আৰু দয়ালু।"
Continue Reading
