ডিজিটেল ডেস্কঃ ৰাজস্থানত জন্ম হৈছে দুই দেহ সংলগ্ন যমজ সন্তানৰ। মৰমলগা নৱজাতক দুটিৰ ভৱিষ্যতকলৈ এতিয়া চিন্তিত হৈ পৰিছে চিকিৎসকসকল। ইতিমধ্যে নতুন দিল্লীৰ এইমছৰ বিশেষজ্ঞ চিকিৎসকৰ সৈতে যমজ সন্তান দুটিক পৃথক কৰিব পাৰি নেকি তাকে লৈ আলোচনা চলিছে।
ইমছৰ চিকিৎসকৰ পৰা সেউজ সংকেত পোৱাৰ পিছতে হয়তো নৱজাতক দুটিক পৃথক কৰাৰ ব্যৱস্থা কৰা হ’ব পাৰে। নৱজাতক দুটিৰ মাতৃয়ে যেতিয়া চিকিৎসালয়ত উপস্থিত হৈছিল, তেতিয়া তেওঁ জানিব পাৰিছিল যে তেওঁৰ পেটত দুটা ভ্ৰূণ আছে। চিকিৎসকে এটা সফল অস্ত্ৰোপচাৰ কৰি তেওঁৰ প্ৰসৱ কৰোৱায় যদিও নৱজাতকৰ দেহ লগ লাগি থাকে। জানিব পৰা মতে নতুন দিল্লীৰ এইমছৰ বিশেষজ্ঞৰ মতামত পোৱাৰ পিছতে যোধপুৰ এইমছত নৱজাতক দুটিৰ অস্ত্ৰোপচাৰ কৰা হ'ব আৰু তেওঁলোকক পৃথক কৰা হ'ব।
ৰাজস্থানৰ নাগাউৰৰ মেৰ্টাত ঘটিছে এই ঘটনা।
এতিয়া দূটা দেহ একেলগ হৈ থকা নৱজাতক দুটিৰ প্ৰাণ ৰক্ষা কৰাটো চিকিৎসকৰ সন্মুখত প্ৰত্যাহ্বান হৈ পৰিছে।
চিকিৎসকে শিশুদুটিৰ যাৱতীয় পৰীক্ষা কৰি যোধপুৰ এইমছলৈ প্ৰেৰণ কৰিছে। একে সময়তে, যমজ সন্তানক চাবলৈ চিকিৎসালয়ৰ বাহিৰত মানুহৰ ভিৰ লাগিছে। চিকিৎসকসকলে কৈছে যে এনে ধৰণৰ ঘটনা খুব কমইহে হোৱা দেখা যায়। যোধপুৰ এইমছৰ চিকিৎসকসকলে প্ৰকাশ কৰা মতে নৱজাতক দুটিক পৃথক কৰাৰ বাবে তেওঁলোকে চেষ্টা কৰি আছে।
Continue Reading
