ডিজিটেল ডেস্কঃ ৰাজস্থানৰ উদয়পুৰৰ এজন লোকে তেওঁৰ ১৭ লাখ টকীয়া গাড়ী খনত দেখা দিয়া কাৰিকৰী বিজুতিৰ বাবে গাড়ী খন অইন গাড়ীৰে টানি অনাৰ সলনি এটা গাধৰ সহায়ত শ্ব'ৰুমলৈ টানি নিয়াৰ দৃশ্যই বহুতকে আমোদ দিছে।
এই ঘটনাৰ ভিডিঅ’ ইতিমধ্যে সামাজিক মাধ্যমত ভাইৰেল হৈ পৰিছে। লোকজনে তেওঁৰ গাড়ী খন সঘনাই বেয়া হৈ থকাৰ প্ৰতিবাদ জনাবলৈয়েই এনেদৰে গাধ ব্যৱহাৰ কৰি গাড়ীখন শ্ব'ৰুমৰ ডিলাৰৰ কাষলৈ নিয়ে। । গাড়ীখনৰ মালিকে ড্ৰাম বজাই দুটা গাধ ব্যৱহাৰ কৰি তেওঁৰ বাহনখন শ্ব'ৰুমলৈ নয়াৰ সিদ্ধান্ত লৈছিল। ডিলাৰশ্বিপে প্ৰদান কৰা গ্ৰাহক সেৱাত অসন্তুষ্ট হৈয়েই লোকজনে এনে অভিনৱ প্ৰতিবাদৰ পন্থা গ্ৰহণ কৰে।
জানিব পৰা মতে সোকজনে গাড়ীখন উদয়পুৰৰ মাদ্ৰু ঔদ্যোগিক এলেকাৰ এটা শ্ব'ৰুমৰ পৰা প্ৰায় ১৭.৫০ লাখ টকাত ক্ৰয় কৰিছিল। নতুন বাহন হোৱা স্বত্বেও সঘনাই কাৰিকৰী বিজুতিত লোক জন হতাশ হৈ পৰিছিল। গাড়ী খনৰ গৰাকী ৰাজ কুমাৰে কয় যে যোৱা দুদিনত গাড়ীখন একাধিকবাৰ ঠেলিবলগীয়া হৈছে। সেৱা কেন্দ্ৰৰ প্ৰতিনিধিসকলে সমস্যাটো বেটাৰীৰ বাবে হোৱা বুলি কৈ আহিছে যদিও সমস্যাৰ সমাধান আজিলৈকে হোৱা নাই। তাৰেই প্ৰতিবাদ জনাবলৈ তেওঁ গাধৰ দ্বাৰা গাড়ী খন টানি শ্ব’ৰূমলৈ নিয়ে।
Continue Reading
