ডিজিটেল ডেস্কঃ ঈদৰ বতৰতে এগৰাকী মুছলমান য়ুটিউবাৰক হিন্দুলোকে গণপ্ৰহাৰ কৰাৰ বাতৰি পোৱা গৈছে। ঘটনাটো চুবুৰীয়া ৰাজ্য ত্ৰিপুৰাৰ উদয়পুৰৰ।
প্ৰকাশিত বাতৰিৰ মতে, মুছলমান ধৰ্মাৱলম্বী এগৰাকী য়ুটিউবাৰে ঈদ সম্পৰ্কীয় এটা মিউজিক ভিডিঅ’ত হিন্দু সম্প্ৰদায়ৰ য়ুৱতীক অভিয়ন কৰোৱাই গণ ৰোষত পৰিছে। স্থানীয় হিন্দু লোকে ঈদৰ সময়ত ভিডিঅ’টোত হিন্দু যুৱতীক কিয় অভিনয় কৰোৱা হৈছে বুলি প্ৰশ্ন কৰি মুছলমান য়ুটিউবাৰগৰাকীক গণ প্ৰহাৰ কৰাৰ অভিযোগ উঠিছে।
বাপন নন্দী নামৰ য়ুটিউবাৰগৰাকীক ক্ষুব্ধ জনতাই তেওঁৰ ভিডিঅ’টোত হিন্দু যুৱতীক কিয় মুছলমান চৰিত্ৰ হিচাপে অভিনয় কৰোৱা হৈছে সেই বিষয়ে প্ৰশ্ন কৰে। সেই ভিডিঅ’ সামাজিক মাধ্যমত ভাইৰেল হৈ পৰিছে।
বাপনৰ লগৰ ইউটিউবাৰ সকলে এই কাণ্ডক গৰিহণা দিছে। জনাইছে যে ইয়াৰ দ্বাৰা সাম্প্ৰদায়িক সম্প্ৰীতিক বিনষ্ট কৰা হৈছে। ইফালে, বিশ্ব হিন্দু পৰিষদে নন্দীৰ বিৰুদ্ধে এক গোচৰ ৰুজু কৰিছে।
ইয়ুটিউবাৰ নন্দীয়ে দাবী কৰে যে তেওঁ ভিডিঅ’টোৰ প্ৰযোজক তেওঁ নহয় আৰু আন কে’বাগৰাকীও মডেল আৰু কন্টেন্ট ক্ৰিয়েটৰে শিল্পী হিচাপে ভিডিঅ’টোত অভিনয় কৰিছিল।
তদুপৰি ভিডিঅ’টোত অভিনয় কৰা যুৱতীকেইগৰাকীয়েও ভিডিঅ’ বিবৃতি প্ৰকাশ কৰি কয় যে মিউজিক ভিডিঅ’ত কোনো চৰিত্ৰক চিত্ৰিত কৰাত তেওঁলোকৰ কোনো আপত্তি নাই। তেওঁলোকে পেছাদাৰী শিল্পী হিচাপেহে ভিডিঅ’টোত অভিনয় কৰিছে
Continue Reading
