ডিজিটেল ডেস্কঃ বলীউডৰ অন্যতম একচন অভিনেত্ৰী কেটৰিনা কাইফ। পৰ্দাত কেতিয়াবা বন্দুকৰে, কেতিয়াবা হাতেৰে শত্ৰুক আক্ৰমণ কৰে। প্ৰবীণ একচন প্ৰশিক্ষক তথা অভিনেত্ৰীৰ শহুৰেক শ্যাম কৌশলে কেটৰিনাৰ একচন শৈলীক প্ৰশংসা কৰে। কিন্তু এনে এটি একচন দৃশ্যৰ শ্বুটিং কৰি থাকোঁতেই অভিনেত্ৰীগৰাকীয়ে আকাশৰ মাজতে মৃত্যুৰ মুখৰ পৰা উভতি আহিছিল।
এবাৰ হেলিকপ্টাৰৰ ভিতৰত ষ্টাণ্ট কৰি থকাৰ সময়তে অভিনেত্ৰীগৰাকী ভয়ংকৰ বিপদত পৰিছিল। আকাশৰ মাজত হঠাৎ আৰম্ভ হ’ল ধুমুহা। চপাৰখনে নিয়ন্ত্ৰণ হেৰুৱাই দ্ৰুতগতিত নামি যায়। কেটৰিনাই ভয় খাই গ’ল।
অভিনেত্ৰীগৰাকীয়ে কয়, ‘মই অনুভৱ কৰিছিলো যে এয়া মোৰ শেষ দিন। চকু দুটা মুদি দিলো। ভগৱানক মাতিছিলো। আৰু মাত্ৰ এজন ব্যক্তিৰ কথা মনত পৰিল। তেওঁ মোৰ মা।’’ অৱশেষত কেটৰিনাৰ জীৱন ৰক্ষা পৰে। কিন্তু সেইদিনাৰ অভিজ্ঞতা তেওঁ পাহৰিব নোৱাৰে।
কেটৰিনা কাইফ, ছলমান খান অভিনীত ছবি ‘টাইগাৰ ৩’ এই দীপাৱলীতে মুক্তি পালে। এই ছবিখনত তেওঁক সম্পূৰ্ণ একচন দৃশ্যত দেখা গৈছে। এই ছবিখনে সমগ্ৰ বিশ্বতে প্ৰায় ৪০০ কোটি টকাৰ ব্যৱসায় কৰিছে।
Continue Reading
