ডিজিটেল ডেস্কঃ ৰশ্মিকা মান্দানা, কেটৰিনা কাঈফ আৰু কাজলৰ পিছত এইবাৰ আলিয়া ভাটৰ ডিপফেক ভিডিঅ' ভাইৰেল হৈ পৰিছে। আলিয়াৰ মুখৰ ছবি আন ছবিত লগাই তৈয়াৰ কৰা হৈছে ডিপফেক ভিডিঅ'টো৷ ভিডিঅ'টো এতিয়া সামাজিক মাধ্যমৰ সকলো মঞ্চত বিয়পি পৰিছে। এনেবোৰ ঘটনাই আৰ্টিফিকেল ইন্টেলিজেন্সৰ ব্যৱহাৰক লৈ উদ্বেগৰ সৃষ্টি কৰিছে।
ভিডিঅ'টোত দেখা গৈছে যে আলিয়াৰ মুখৰ ছবি লগাই দিয়া এজনী ছোৱালীয়ে নীলা ফুলৰ কাপোৰ পিন্ধি আছে আৰু কেমেৰালৈ চাই কিবা ইংগিত দিছে।
কেইদিনমান আগতে, কাজলৰ এনে এটা ভিডিঅ' অনলাইনত প্ৰকাশ পাইছিল। ডিপফেকটোত ৰ’জি ব্ৰিনৰ মুখখন কাজলৰ সৈতে সলনি কৰা হৈছিল। ক্লিপটোত 'কুছ কুছ হোতা হে'ৰ অভিনেত্ৰীগৰাকীক কেমেৰাত কাপোৰ সলনি কৰা দেখুওৱা হৈছিল।
উল্লেখ্য আলিয়া ভাটে বৰ্তমান ভাচন বালা পৰিচালিত আৰু কৰণ জোহৰৰ দ্বাৰা সহ-প্ৰযোজিত 'জিগ্ৰা' নামৰ এখন একচনধৰ্মী ছবিৰ বাবে চিত্ৰগ্ৰহণ কৰি আছে। তেওঁক শেষবাৰৰ বাবে ৰণবীৰ সিঙৰ সৈতে কৰণ জোহৰৰ 'ৰকি ঔৰ ৰাণী কি প্ৰেম কাহানী'ত দেখা গৈছিল।
Continue Reading
