ডিজিটেল ডেস্কঃ এক ভাবিব নোৱাৰা ঘটনা। এটি দুবছৰীয়া শিশুক এটা জলহস্তীয়ে গিলি থোৱাৰ পিছতে শিশুটি পুনৰ জীৱন্তে উদ্ধাৰ হৈছে। ঘটনাটো ঘটিছে আফ্ৰিকাত। জলহস্তীৰ আক্ৰমণৰ ফলত প্ৰতি বছৰে আফ্ৰিকাত বহু লোকৰ মৃত্যু ঘটি আহিছে। উগাণ্ডাত এটি ২ বছৰীয়া শিশুক জলহস্তীয়ে গিলি পেলায়।
কিন্তু এই দৃশ্য দেখাৰ পিছতে সেই স্থানত উপস্থিত থকা লোকসকলে জলহস্তীটোক আক্ৰমণ কৰা আৰম্ভ কৰে। লগে লগে জলস্তীটোৱে উগাৰ মাৰি বমি কৰি দিয়ে আৰু শিশুটো জীৱন্ত অৱস্থাত পুনৰ বাহিৰলৈ ওলাই আহে। উগাণ্ডাৰ এডৱাৰ্ড হ্ৰদত সংঘটিত এই ঘটনা এতিয়া বিশ্বজুৰি বিয়পি আছে।উগাণ্ডাৰ এডৱাৰ্ড হ্ৰদ জলহস্তীৰ বাবে বিখ্যাত।
সেই হ্ৰদলৈকেই পৰিয়ালৰ লোকৰ সৈতে ফুৰিবলৈ গৈছিল দুবছৰীয়া শিশুটিয়ে। পানী যুঁৱলীত খেলি থাকোতেই জলহস্তীয়ে শিশুটিক আক্ৰমণ কৰে আৰু গিলি থয়। এই ঘটনা দেখাৰ পিছতে উপস্থিত লোকসকলে জলহস্তীটোক আক্ৰমণ কৰিবলৈ ধৰে।
ফলত জলহস্তীটোৱে বমি কৰি শিশুটিক বাহিৰলৈ উলিয়াই দিয়ে। গুৰুতৰ ভাবে আহত শিশুটিক লগে লগে চিকিৎসাৰ ব্যৱস্থা কৰা হয়। ফলত প্ৰাণৰক্ষা পৰে শিশুটিৰ। মৃত্যুৰ দুৱাৰদলিৰ পৰা এনেদৰে শিশুটি বাচি অহাত সকলোৱে নেদেখাজনক ধন্যবাদ জ্ঞাপন কৰিছে। ইয়াকে কয় ৰাখে হৰি মাৰে কোনে?
Continue Reading
