ডিজিটেল ডেস্কঃ ৰাখী সাৱন্ত ফতিমাৰ বিয়াৰ খবৰ এতিয়া বহুতৰে বাবে আলোচনাৰ বিষয় হৈ পৰিছে৷ ৰাখীৰ স্বামী আদিল দুৰানীয়ে প্ৰথমে বিয়াখনৰ কথা অস্বীকাৰ কৰিছিল ৷ ফলত কান্দোনত ভাঙি পৰিছিল ৰাখী৷ কিন্তু তাৰ পিছতে পুনৰ স্বীকাৰো কৰিছিল যে ৰাখী তেওঁৰ পত্নী আছিল। ৰাখীয়ে কয় যে বলীউডৰ 'ভাইজান' চলমান খানে তেওঁৰ সংসাৰ ৰক্ষা কৰিছে।
ৰাখীয়ে এক সাক্ষাৎকাৰত কয়, "মোৰ কান্দোনৰ ভিডিঅ' ভাইৰেল হোৱাৰ পিছত চলমান ভায়ে আদিলক ফোন কৰিছিল। ইয়াৰ পিছতহে আদিলে আমাৰ বিবাহ মানি লোৱা বুলি স্বীকাৰ কৰে। মোৰ ভাই চলমানেই মোৰ ঘৰ খন ধৰি ৰাখিলে।"
স্বামী আদিলে বিয়াৰ কথা স্বীকাৰ কৰাৰ পিছতে ৰাখী সাৱন্তে আকৌ এবাৰ তেওঁৰ মুখত হাঁহি ঘূৰাই পাইছে। অভিনেত্ৰীগৰাকীৰ সৈতে আদিল খান দুৰানীয়ে আদালতত কৰা বিবাহৰ ফটো ছচিয়েল মিডিয়াত ভাইৰেল হৈছিল৷ কিন্তু ইমানৰ পিছতো আদিলে অভিনেত্ৰীগৰাকীৰ সৈতে তেওঁৰ বিবাহৰ কথা অস্বীকাৰ কৰিছিল। কিন্তু এতিয়া ৰাখী অসন্তুষ্ট নহয় ৷ কাৰণ আদিলে সকলোৰে সন্মুখত তেওঁৰ প্ৰেম, বিবাহ আৰু ৰাখীক তেওঁৰ পত্নী হিচাপে গ্ৰহণ কৰিছে।
আদিলে ইনষ্টাগ্ৰামত লিখিছিল- 'গতিকে অৱশেষত এটা ঘোষণা হ'ল, ৰাখী, মই কেতিয়াও এনেকৈ কোৱা নাছিলো। মই তোমাৰ সৈতে বিয়া পতা নাই বুলি। মাত্ৰ কেইটামান বস্তু চম্ভালিব লাগিছিল, সেয়েহে আমি চুপ হৈ থাকিব লাগিছিল, ৰাখী (পাপ্পু) সুখী বিবাহিত জীৱন হওঁক আমাৰ। ' আদিলৰ এই পোষ্টটোৰ পিছত ৰাখীক আদিলৰ সৈতে মুম্বাইৰ ৰাস্তাত খোজকাঢ়ি থকা দেখা গৈছিল।
Continue Reading
