ডিজিটেল ডেস্ক
ৰাছিয়াৰ পৰা তেল ক্ৰয় নকৰাৰ সিদ্ধান্ত লৈছে ভাৰতে । যুদ্ধৰ পৰিস্থিতি জটিল হোৱাৰ লগে লগে ৰাছিয়াই খাৰুৱা তেলৰ মূল্য বৃদ্ধি কৰা আৰম্ভ কৰিছে। হঠাতে হোৱা মূল্য বৃদ্ধিৰ বাবে ভাৰতৰ তেল শোধনাগাৰসমূহে বাবে ৰাছিয়াৰ পৰা খাৰুৱা তেল ক্ৰয় কৰাক লৈ বিপাঙত পৰিছে৷ সূত্ৰ অনুসৰি, ৰাছিয়াৰ পৰিৱৰ্তে আফ্ৰিকা আৰু মধ্য প্ৰাচ্যৰ পৰাহে ভাৰতলৈ তেল আমদানি কৰা হ'ব।
দীৰ্ঘদিন ধৰি ভাৰতৰ ৰাছিয়াৰ সৈতে ভাল সম্পৰ্ক থকা স্বত্বেও, ভাৰতে ৰাষ্ট্ৰখনৰ পৰা খাৰুৱা তেল ক্ৰয় নকৰে। এই বছৰৰ ফেব্ৰুৱাৰী মাহত ৰাছিয়া আৰু ইউক্ৰেইনৰ মাজত যুদ্ধ আৰম্ভ হোৱাৰ পিছৰে পৰা বিশ্ব বজাৰত খাৰুৱা তেলৰ সংকটে দেখা দিছে। দৈনিক তেলৰ মূল্য বাঢ়ি গৈ আছে। ইফালে, ব্ৰিটেইন, আমেৰিকা যুক্তৰাষ্ট্ৰকে ধৰি কেইবাখনো দেশে ইউক্ৰেইনৰ ওপৰত হোৱা আক্ৰমণৰ বাবে ৰাছিয়াৰ ওপৰত নিষেধাজ্ঞা আৰোপ কৰিছে৷
পশ্চিমীয়া দেশসমূহে নিষেধাজ্ঞা আৰোপ কৰাৰ পিছত, ৰাছিয়াই বাণিজ্য অব্যাহত ৰাখিবলৈ তেলৰ মূল্য হ্ৰাস কৰিছিল৷ সেই উপলক্ষে ভাৰতে ৰাছিয়াৰ পৰা খাৰুৱা তেল ক্ৰয় কৰা আৰম্ভ কৰে। বৰ্তমান, চীনৰ পিছত ভাৰত হৈছে ৰাছিয়াৰ খাৰুৱা তেলৰ সৰ্ববৃহৎ ক্ৰেতা। কিন্তু ৰাছিয়াৰ খাৰুৱা তেলৰ মূল্য হঠাতে বৃদ্ধি হোৱাৰ বাবে, এইবাৰ ভাৰত তেলৰ আমদানিৰ ক্ষেত্ৰত ব্যৰ্থ হৈছে৷
যদিও ৰাছিয়াত পূৰ্বতে খাৰুৱা তেল সস্তাত উপলব্ধ আছিল, এতিয়া অনুমান কৰা হৈছে যে সংযুক্ত আৰৱ আমিৰাতৰ মুৰবানত তেলৰ মূল্যৰ তুলনাত ৰাছিয়াৰ ইএছপিঅ' খাৰুৱা তেলৰ মূল্য প্ৰতি বেৰেলত ৫ ৰ পৰা ৭ ডলাৰ বৃদ্ধি পাইছে। এই কাৰণে, ৰাছিয়াৰ পৰা তেল ক্ৰয় কৰাৰ পৰিৱৰ্তে, পশ্চিম আফ্ৰিকাৰ পৰা তেল ক্ৰয় কৰাৰ সিদ্ধান্ত লোৱা হৈছে।সমান্তৰালভাৱে আফ্ৰিকাৰ তেলৰ মানদণ্ড ৰাছিয়াতকৈ ভাল বুলিও কোৱা হয়।
কেৱল আফ্ৰিকাই নহয়, মধ্য প্ৰাচ্যত ব্ৰেণ্ট তেলৰ মূল্যও যথেষ্ট হ্ৰাস পাইছে। ফলস্বৰূপে, ভাৰতে ডুবাইৰ পৰাও তেল ক্ৰয় কৰিব। মন কৰিবলগীয়া যে, ৰাছিয়াৰ ৰাষ্ট্ৰদূতে কালি এক সংবাদমেলত কয় যে যদি তেলৰ সঠিক মূল্য পোৱা নাযায়, তেন্তে বিশ্ব বজাৰলৈ তেলৰ যোগান বন্ধ কৰা হ'ব।
Continue Reading
