ডিজিটেল ডেস্ক: ছ’চিয়েল মিডিয়াত আকৌ এবাৰ বহুত শিৰোনাম দখল কৰিছে চনু সুদে। এই ভিডিঅ'টোত অভিনেতা চনু সুদক এগৰাকী দোকানীৰ সৈতে ৰুটি বনাই থকা দেখিবলৈ পোৱা গৈছে। বৰ্তমান ৰাইজে তীব্ৰ প্ৰশংসা কৰিছে এই ভিডিঅ'টো।
সচাকৈয়ে চনু সুদক ভাৰতবাসীয়ে বহুত ভাল পায়। দেশৰ প্ৰায় প্ৰতিখন ৰাজ্যতে তেওঁৰ ফেন ফ’ল’ৱাৰ আছে আৰু ইয়াৰ কাৰণ হ’ল তেওঁৰ সহায়কাৰী স্বভাৱ। কৰ’না কালত অভিনেতা গৰাকীয়ে যিদৰে বহু লোকক সহায় কৰিছিল সেয়া দেখি মানুহে তেওঁক বাস্তৱ জীৱনৰ নায়ক বুলি ক’বলৈ ধৰিলে। শেহতীয়াকৈ চনু সুদৰ আন এটা ভিডিঅ’ চচিয়েল মিডিয়াত চৰ্চাৰ বিষয় হৈয়েই আছে।
এই ভিডিঅ'টোৰ মতে চনু সুদ এজন বন্ধুৰ সৈতে গাড়ীত উঠি জিমলৈ গৈ আছে। এই সময়ত চনু সুদে বাটত এজন ৰুটি দোকানীৰ দেখা পায় যিসকলে কেৰাহীত ৰুটি বনাই আছে। এই দৃশ্য দেখি অভিনেতাগৰাকীয়ে নিজৰ গাড়ীখন ৰখাই দিয়ে আৰু তাৰ পাছত কি হয় জানিবলৈ প্ৰথমে চ’ছিয়েল মিডিয়াত ভাইৰেল হৈ থকা এই ভিডিঅ’টোও চাওক-
আচলতে অভিনেতগৰাকীয়ে গাড়ীখন ৰখাই চকীদাৰৰ ওচৰলৈ গৈ তেওঁলোকৰ লগত ৰুটি বনাবলৈ আৰম্ভ কৰে। এই ভিডিঅ'টো চাই বহুতে নিজকে প্ৰতিক্ৰিয়া প্ৰকাশ কৰাত ব্যস্ত হৈ পৰিছে। মাত্ৰ ১ মিনিট ২০ ছেকেণ্ডৰ এই ভিডিঅ'টোৱে ভাৰতবাসীৰ হৃদয় চুই গ'ল। অভিনেতাজনৰ এই স্বভাৱটো বহুতে প্ৰশংসা কৰাৰ বিপৰীতে একাংশই ইয়াক প্ৰচাৰ বুলিও অভিহিত কৰে।
এই ভিডিঅ’টো ছ’চিয়েল মিডিয়া প্লেটফৰ্ম টুইটাৰত শ্বেয়াৰ কৰা হৈছে। উল্লেখযোগ্য যে কেইঘণ্টামানৰ ভিতৰতে লাখ লাখ মানুহে চাইছে। হাজাৰ হাজাৰ লোকে ভিডিঅ’টো কেৱল লাইক কৰাই নহয়, ৰিটুইট কৰিছে। মানুহৰ বিভিন্ন প্ৰতিক্ৰিয়াও কমেন্ট ছেকচনত দেখিবলৈ পোৱা গৈছে।
Continue Reading
