--°C
Loading...
Listen to Article
2 min read
80%
ডিজিটেল ডেস্ক: অন্ত পৰা নাই যুদ্ধৰ বিভীষিকা৷ যুদ্ধৰ ধোঁৱা-ধুমুহাই আজিও ভাৰাক্ৰান্ত কৰি ৰাখিছে যুদ্ধবিধ্বস্ত ইউক্ৰেইনৰ নাগৰিকক৷ ৰাছিয়াৰ জিঘাংসু আক্ৰমণে জোকাৰি গৈছিল ইউক্ৰেইন৷ কিন্তু, ইউক্ৰেইনবাসীক আজিও খেদি ফুৰিছে দুঃসহ স্মৃতিয়ে৷ পিছে, স্মৃতিৰ সামৰণি নৌপৰোতেই পুনৰ ইউক্ৰেইনত নৃশংস অত্যাচাৰ আৰম্ভ কৰিছে ৰাছিয়ান সেনাই।

বুধবাৰে ৰাষ্ট্ৰসংঘৰ সাধাৰণ পৰিষদত আমেৰিকাৰ ৰাষ্ট্ৰপতি জো বাইডেনে এই অভিযোগ উত্থাপন কৰে। ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সেনা বাহিনীয়ে  আচৰণৰ উল্লেখ কৰি নৰসংহাৰ চলাইছে ইউক্ৰেনত৷ বাইডেনে কয় যে ৰাছিয়াৰ বাহিনীয়ে ইউক্ৰেইনৰ বিদ্যালয়, ৰে’ল ষ্টেচন আৰু চিকিৎসালয়সমূহত আক্ৰমণ চলাইছে। মস্কোৰ এটা লক্ষ্য হৈছে ইউক্ৰেইনক ৰাষ্ট্ৰ হিচাপে পৃথক অস্তিত্বৰ অধিকাৰ নিৰ্মূল কৰা।

ৰাছিয়াই ৰাষ্ট্ৰসংঘৰ চনদৰ মূল নীতি উলংঘা কৰা বুলিও অভিযোগ উত্থাপন কৰে আমেৰিকাৰ ৰাষ্ট্ৰপতিগৰাকীয়ে। তেওঁ অভিযোগ কৰে যে পুটিনৰ বাহিনীয়ে ইচ্ছাকৃতভাৱে ইউক্ৰেইনৰ জনসাধাৰণক লক্ষ্য কৰি লৈছে। প্ৰসংগক্ৰমে শেহতীয়াকৈ ইউক্ৰেইনৰ সেনাই খাৰকিভ প্ৰদেশৰ ইজিয়াম চহৰ আৰু ইয়াৰ আশে-পাশে থকা অঞ্চলৰ গণ কবৰৰ পৰা বহু মৃতদেহ উদ্ধাৰ কৰিছে, যিবোৰ ৰাছিয়াৰ বাহিনীৰ পৰা মুক্ত কৰা হৈছিল। আৰু বেছিভাগ মৃতদেহতে নিৰ্যাতনৰ লক্ষণ দেখা যায়।

নিৰ্মমভাৱে হত্যা কৰা হৈছিল সাধাৰণ জনতাক৷ইউক্ৰেইনৰ গণ কবৰত উদ্ধাৰ হোৱা মৃতদেহবোৰৰ ওপৰত ৰাছিয়াৰ সেনাই কৰা ভয়ংকৰ অত্যাচাৰৰ ফটো বিগত এপ্ৰিল মাহত প্ৰকাশ পাইছিল৷ ৰাছিয়াৰ সেনাক পৰাস্ত কৰি বুচা চহৰ পুনৰ দখল কৰাৰ পিছত ইউক্ৰেইনৰ সেনাই তাৰ পৰা কেইবাটাও গণ কবৰ উদ্ধাৰ কৰে।  য’ত দেখা গৈছে শৰীৰত নিৰ্যাতনৰ চিন। ইউক্ৰেইনৰ ৰাষ্ট্ৰপতি জেলেনস্কিয়ে সেই সময়ত মস্কোৰ বিৰূদ্ধে যুদ্ধাপৰাধৰ অভিযোগ উত্থাপন কৰিছিল।

ইয়াৰ পিছত ৰাজধানী কিভৰ পৰা ৬০ কিলোমিটাৰ দূৰত্বত অৱস্থিত সৰু চহৰ বৰোডিয়ানকা আৰু উত্তৰ-পূবৰ চেৰ্নিহিভত একেধৰণৰ গণ কবৰ উদ্ধাৰ কৰা হয়। ইয়াৰ উপৰিও ২৪ ফেব্ৰুৱাৰীত ইউক্ৰেইনৰ বিৰুদ্ধে পুটিনে সামৰিক অভিযান চলোৱাৰ কথা ঘোষণা কৰাৰ পিছৰে পৰা ইউক্ৰেইনৰ অসামৰিক অঞ্চলসমূহক ৰাছিয়াৰ বিমান আৰু ক্ষেপণাস্ত্ৰৰ দ্বাৰা ক্ৰমাগতভাৱে লক্ষ্য কৰি লোৱাৰ অভিযোগ উত্থাপন হৈছে।

ইউক্ৰেইনৰ সীমান্তত অশান্তিৰ মাজতে বুধবাৰে পুটিনে বৃহৎ সেনা নিয়োগ কৰাৰ কথা ঘোষণা কৰে। দ্বিতীয় বিশ্বযুদ্ধৰ যুগৰ জোচেফ ষ্টেলিনৰ পিছত ৰাছিয়াৰ এজন ৰাষ্ট্ৰপতিয়ে আনুষ্ঠানিকভাৱে সামৰিক সমাৱেশ ঘোষণা কৰিছে। ইয়াৰ উপৰিও আমেৰিকাকে ধৰি পশ্চিমীয়া দেশসমূহক ৰাছিয়াৰ বিৰুদ্ধে দীৰ্ঘদিনীয়া ষড়যন্ত্ৰৰ অভিযোগ উত্থাপন কৰি পুটিনে কয় যে আঞ্চলিক অখণ্ডতাত আঘাত হানিলে ৰাছিয়াই মৌনতা অৱলম্বন নকৰে। প্ৰয়োজন হ’লে সকলো শক্তিৰে প্ৰতিৰোধ কৰা হ’ব। তেওঁৰ এই বক্তব্যক পাৰমাণৱিক যুদ্ধৰ সতৰ্কবাণী হিচাপে গণ্য কৰা হয়। এনে পৰিস্থিতিত বাইডেনে ৰাষ্ট্ৰসংঘত দিয়া ভাষণে সংঘাতক এক নতুন মাত্ৰা প্ৰদান কৰিব বুলি আশা কৰা হৈছে। বাইডেনে আনুষ্ঠানিকভাৱে পুটিনক শেষ সকীয়নি প্ৰদান কৰে৷

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ