ডিজিটেল ডেস্কঃ অনলাইন খাদ্য ডেলিভাৰীৰ বহুতো আকৰ্ষণীয় গোচৰ মাজে-সময়ে পোহৰলৈ আহি থাকে। খাদ্যত কিবা বিসংগতি পালেই বিষয়টো চৰ্চিত হয়। তাৰপাছত গ্ৰাহকেও কোম্পানীটোৰ বিৰুদ্ধে ব্যৱস্থা গ্ৰহণ কৰে। এইবাৰ আমেৰিকাৰ পৰা এক অতি বেলেগ ধৰণৰ গোচৰ পোহৰলৈ আহিছে য'ত এগৰাকী মহিলাই অনলাইন খাদ্যৰ অৰ্ডাৰ দি খাদ্যৰ লগতে পাইছিল নোটৰ বাণ্ডিল। এই কথা দেখি মহিলাগৰাকী আচৰিত হৈছিল।
এই ঘটনাটো জৰ্জিয়া ষ্টেট অৱ আমেৰিকাৰ। সংবাদ মাধ্যমৰ খবৰ অনুসৰি এগৰাকী মহিলাই কে এফ চিৰ খাদ্য ডেলিভাৰী কোম্পানীটোৰ পৰা চিকেন চেণ্ডুইচ অৰ্ডাৰ কৰিছিল। মহিলাগৰাকীয়ে ৰৈ আছিল যে তেওঁৰ খাদ্য আহিব আৰু তেওঁ খাব। মহিলাগৰাকীৰ খাদ্য আহিছিল যদিও তেওঁৰ খাদ্যৰ পেকেটৰ পৰা নোটৰ বাণ্ডিলবোৰো ওলাই অহা দেখি তেওঁ থতমত খাইছিল। ইয়াৰ পৰা মুঠ ৪৩ হাজাৰ টকা ওলাইছিল।
মহিলাগৰাকীয়ে ভাবি আছিল তেওঁ এতিয়া কি কৰা উচিত। অৱশেষত তেওঁ সততা দেখুৱাই কোম্পানীটোক ফোন কৰিলে। যেতিয়া একাংশ কৰ্মচাৰী তেওঁৰ ওচৰ পালেহি, তেতিয়া গোটেই বিষয়টো চৰ্চালৈ আহিল। গম পোৱা গ'ল যে যেতিয়া মহিলাগৰাকীৰ খাদ্যৰ পেকেটটো পেক কৰি আছিল, একে সময়তে, মেনেজাৰৰ ভুলৰ বাবে কাউণ্টাৰৰ পৰা কিছু জমা ধনো তেওঁৰ পেকেটত সোমাই গৈছিল।
মহিলাগৰাকীৰ সততা দেখি মেনেজাৰ বৰ সুখী হৈ পৰিছে। বৰ্তমান সময়ত মহিলাগৰাকীৰ সততা দেখি কোম্পানীটোৰ লগতে ইয়াৰ কৰ্মচাৰীসকল অতিশয় আনন্দিত হৈ পৰিছে। মেনেজাৰে মহিলাগৰাকীক অশেষ ধন্যবাদ জনালে, টকাখিনি ঘূৰাই নোপোৱা হ'লে হয়তো তেওঁ চাকৰি হেৰুৱাব লগা হ'লহেঁতেন।
