ডিজিটেল ডেস্কঃ আহমেদাবাদ ক্ৰাইম ব্ৰাঞ্চৰ এখন বেঞ্চত উদ্ধাৰ এগৰাকী মহিলা চিকিৎসকৰ মৃতদেহ। মৃতদেহটোৰ ওচৰত চিৰিঞ্জ পৰি থকা দেখি আৰক্ষীয়ে আত্মহত্যা কৰি চিকিৎসকগৰাকীৰ মৃত্যু হোৱা বুলি সন্দেহ প্ৰকাশ কৰিছে।
চিকিৎসকগৰাকীৰ নাম বৈশালী যোশী।
আহমেদাবাদৰ এখন ব্যক্তিগত চিকিৎসালয়ত কৰ্মৰত আছিল বৈশালী। তেওঁৰ বেগত ১৫ পৃষ্ঠাৰ এখন ছুইচাইড নোটো উদ্ধাৰ হৈছে।
ভি কে খাছাৰ নামৰ অপৰাধ শাখাৰ এজন আৰক্ষী পৰিদৰ্শকৰ নাম উল্লেখ আছে ছুইচাইড নোটত। তেওঁৰ বাবেই হতাশাত ভুগি আত্মহত্যা কৰা বুলি লিখি থৈ গৈছে বৈশালীয়ে।
তদন্তকাৰী বিষয়া এচিপি হীৰেন্দ্ৰ চৌধুৰীয়ে জানিবলৈ দিয়া মতে, বিগত চাৰি-পাঁচ বছৰ ধৰি অৰ্থনৈতিক অপৰাধ বিৰোধী শাখাত কৰ্মৰত ভি কে খাছাৰৰ সৈতে বৈশালীৰ প্ৰেমৰ সম্পৰ্ক আছিল।
যোৱা কেইমাহমানৰ পৰা তেওঁলোকৰ সম্পৰ্কৰ অৱনতি ঘটিছিল আৰু বৈশালী হতাশগ্ৰস্ত হৈ পৰিছিল।
ক্ৰাইম ব্ৰাঞ্চৰ কাৰ্যালয়ৰ ই অ’ ডব্লিউৰ কাৰ্যালয়ৰ বাহিৰৰ বেঞ্চত উদ্ধাৰ হয় বৈশালী যোশীৰ মৃতদেহ।
গাইকৱাদ হাভেলী আৰক্ষীয়ে চিকিৎসকগৰাকীৰ মৃত্যুৰ সৈতে জড়িত আকস্মিক মৃত্যুৰ গোচৰ ৰুজু কৰি মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে।
Continue Reading
