আল্লু অৰ্জুনৰ বাবেই হিট হৈছিল ছলমানৰ চিনেমা, কোনখন চিনেমাৰ বাবে ভাইজানৰ ভাগ্যচকৰি ঘূৰিছিল? আপুনি জান

ডিজিটেল ডেস্কঃ আল্লু অৰ্জুন-দাক্ষিণাত্যৰ 'ছুপাৰষ্টাৰ' তেওঁ, অনুৰাগীৰ হিয়াৰ মণি। অৰ্জুনে য’তে হাত দিয়ে তাতেই যেন লক্ষ্মীৰ আবিৰ্ভাৱ হয়! ভাল প্ৰস্তাৱ লাভ কৰিলে বলীউডতো কোনো আপত্তি নাই। কিন্তু এখন হিন্দী চলচ্চিত্ৰ আছে য'ত আল্লু অৰ্জুনে অভিনয় কৰিবলৈ অস্বীকাৰ কৰিছিল। অৱশ্যে, ছবিখনে পিছত ব’ক্স অফিছৰ অভিলেখ ভংগ কৰিছিল। আপুনি হয়তো ভাবিছে যে, এনে কোনখন ছবি আছে যিখন ছবিত অভিনয়ৰ বাবে অস্বীকাৰ কৰিছিল ‘পুষ্পা’ই। স্মৰ্তব্য যে, ২০১৫ চনত 'বজৰংগী ভাইজান'ৰ চিত্ৰনাট্য লৈ আল্লুৰ কাষ চাপিছিল পৰিচালক কবীৰ খানে। দাক্ষিণাত্যৰ তাৰকাগৰাকীক ছবিখনত মূল নায়কৰ চৰিত্ৰত বিচৰা হৈছিল। কিন্তু সেই সময়ত, আল্লু অৰ্জুনে আন এখন ছবিৰ কামত ব্যস্ত আছিল। ফলস্বৰূপে, তেওঁ কবীৰ খানৰ সৈতে কাম কৰাৰ প্ৰস্তাৱ নাকচ কৰিছিল। পৰৱৰ্তী সময়ত আল্লু অৰ্জুনে প্ৰত্যাখ্যান কৰা ছবিখনত অভিনয় কৰিছিল ছলমান খানে। তাৰ পিছৰখিনি আজি ইতিহাস। ভাৰতত হেৰুওৱা মুন্নীক পাকিস্তানত থকা তেওঁৰ ঘৰলৈ পঠিয়াই দিয়াৰ দায়িত্ব লৈছিল পৱন ওৰফে বজৰংগী ভাইজানে। সৰল, অদম্য প্ৰকৃতিৰ পৱনে বেলেগ ধৰ্মাৱলম্বীৰ শিশুক নিজৰ দেশলৈ ঘূৰাই দিয়াৰ পৰা পিছ হোঁহোকা নাছিল। প্ৰেম-ভালপোৱা-একশ্যনৰ পৰিধিৰ পৰা ওলাই আহি কবীৰ খান পৰিচালিত এই ছবিখনে দৰ্শকৰ হৃদয় স্পৰ্শ কৰিছিল। 'বজৰংগী ভাইজান'ৰ জৰিয়তেই দীৰ্ঘদিন ধৰি একশ্যম চিনেমা কৰি অহা ছলমান এজন 'ভাল অভিনেতা' হিচাপে পুনৰ জনাজাত হৈ পৰিছিল। ছবিখনৰ মুক্তিৰ ৭বছৰ অতিক্ৰম কৰিলে। তেতিয়াৰ পাছত আৰু বলীউডত কাম কৰা হোৱা নাই আল্লু অৰ্জুনৰ। সম্প্ৰতি এক সাক্ষাত্‍কাৰত তেওঁ কয়, ‘ হিন্দী চলচ্চিত্ৰত অভিনয় কৰাটো মোৰ পেছাগত কেৰিয়াৰৰ আটাইতকৈ উল্লেখ্যযোগ্য ঘটনাৰ ভিতৰত অন্যতম হ’ব। গতিকে, মই অতি সাৱধানে কাম কৰাৰ বাবে সৰ্বশ্ৰেষ্ঠ প্ৰস্তাৱটো বাছনি কৰিম।’ জানিবলৈ পোৱা মতে, অভিনেতাজনে ইতিমধ্যে বলীউডৰ পৰা একাধিক ফোন পাইছে। কিন্তু সঠিক সুযোগৰ বাবে অপেক্ষা কৰি আছে ছুপাৰষ্টাৰ 'পুষ্পা' ওৰফে আল্লু অৰ্জুনে।