বিয়াৰ পাছত প্ৰথম ভেলেণ্টাইন ডে’; মুম্বাইত কি কৰিছে বিকি-কেটৰিনাই?

ডিজিটেল ডেস্কঃ ভেলেণ্টাইন ডে’ গ’ল। এই বিশেষ দিনটোত মনৰ মানুহজনক কাষত পোৱাৰ হেঁপাহনো কাৰ নাজাগিব! আজিৰ এই বিশেষ দিনটোতে পৃথিৱীৰ প্ৰেমিক-প্ৰেমিকাই ইজনে সিজনৰ হাতে হাতে ধৰি আগলৈ আগবাঢ়ি যোৱাৰে যেন কৰিছে দৃঢ় অংগীকাৰ। ভেলেণ্টাইন ডে’ৰ দিনাখন পিছ পৰি ৰোৱা নাই বলীউড তাৰকাসকলো। ভেলেণ্টাইন ডে’ৰ বাবেই শ্বুটিঙৰ কাম সামৰি বিকি-কেট মুম্বাইলৈ উভতি আহিছে। ভাৰতীয় সংবাদ মাধ্যমত প্ৰকাশিত এক প্ৰতিবেদন অনুসৰি, দেওবাৰে নিশা মুম্বাই বিমানবন্দৰত বিকি কৌশল আৰু কেটৰিনা কাঈফক ইজনে সিজনৰ হাতে হাত ধৰি থকা ফটোখন ভাইৰেল হৈ পৰে। প্ৰেমৰ দিনটো উদযাপন কৰিবলৈ দুয়োজনে তেওঁলোকৰ কামৰ পৰা বিৰতি লৈ মুম্বাইলৈ উভতি আহিছে। ভাইৰেল হোৱা ভিডিঅ'টোত বলীউডৰ নৱ দম্পতীক দেখা গ’ল এক ব্যতিক্ৰম ৰূপত। এক মুহূৰ্তৰ বাবেও ইজনে সিজনৰ হাত এৰি দিয়া নাছিল। নীলা জীন্স আৰু ডেনিম জেকেট পিন্ধা অৱস্থাতে কেমেৰাবন্দী হৈছিল বলীউডৰ এই দম্পতী। উল্লেখ্য যে, কেইমাহমান আগতে বিবাহপাশত আৱদ্ধ হৈছিল বিকি কৌশল আৰু কেটৰিনা কাঈফে। বিবাহৰ পাছত তেওঁলোকৰ প্ৰথম ভেলেণ্টাইন ডে’ কেনেদৰে কটাব তাকে জানিবলৈ আগ্ৰহেৰে ৰৈ আছে অনুৰাগী। বিবাহিত জীৱন কেনেদৰে চলাই নিছে দুয়ো তাকো জানিবলৈ আগ্ৰহী অনুৰাগী। অৱশ্যে, বিয়াৰ কেইদিনমানৰ ভিতৰতে বিকি কৌশল আৰু কেটৰিনা কাঈফ নিজৰ কামত ব্যস্ত হৈ পৰিছিল। ফলস্বৰূপে, তেওঁলোকৰ সংসাৰ যেন ঠিকে চলা নাই! তেনেই ভাৱ হৈছে অনুৰাগীৰ। বিয়াৰ এসপ্তাহ পাছতে বিকি কৌশল মধ্য প্ৰদেশলৈ গুচি গৈছিল। পৰৱৰ্তী সময়ত কেটৰিনাইয়ো ইন্দোৰলৈ গৈ বিকিক কৰিছিল। সেয়েহে এইবাৰ বিকি-কেটৰিনাই ভেলেণ্টাইন ডে’ উদযাপনৰ বাবে ইজনে সিজনৰ কাষ চাপিছে। কেটৰিনাই বিজয় সেতুপতিৰ সৈতে মেৰী খ্ৰীষ্টমাছত কাম আৰম্ভ কৰিব। ইয়াৰ উপৰিও, কেটৰিনাই ছলমান খানৰ সৈতে টাইগাৰ নামৰ ছবিখনৰ বাকী থকা দৃশ্যগ্ৰহণৰ কামত লগাৰ কথা। যি নহওক, এই বিশেষ দিনটোত দুয়োকে এইদৰে দেখিবলৈ পাই অনুৰাগী সকলো উচ্ছসিত হৈ পৰিছে।