ডিজিটেল ডেস্কঃ বহুতৰ ঘৰৰ আলমাৰীত আইনা লগোৱা থাকে। সেয়া আপুনি নিশ্চয় দেখিছে। বাস্তুশাস্ত্ৰ অনুসৰি ঘৰত থকা প্ৰতিটো বস্তুৱে কিছুমান বিশেষ অৰ্থ বহন কৰে। কিছুমান বস্তুৱে শুভ প্ৰভাৱ পেলায় আৰু কিছুমানে অশুভ প্ৰভাৱ পেলায়। আলমাৰীত আইনা থকা কথাটোৰ বিষয়ে বাস্তুশাস্ত্ৰই কি কয় জানো আহক।
আলমাৰীত আইনা থকাটো অশুভ
বাস্তুশাস্ত্ৰৰ মতে ৱাৰ্ডৰ’ব বা আলমাৰীৰ বাহিৰৰ অংশত আইনা থকাটো অশুভ। ইয়াৰ বাবে ঘৰত নেতিবাচকতা বৃদ্ধি পায় আৰু পৰিয়ালৰ আৰ্থিক অৱস্থাৰ অৱনতি ঘটিবলৈ আৰম্ভ কৰে, যাৰ বাবে পৰিয়ালটো ঋণৰ ফান্দত আবদ্ধ হৈ পৰে। ইয়াৰ সমান্তৰালকৈ ভূমিকম্প, অগ্নিকাণ্ড বা আন কোনো দুৰ্যোগৰ ক্ষেত্ৰত কাঁচ ভাঙি সৰি পৰা আৰু আঘাত পোৱাৰ সম্ভাৱনা থাকে।
ঘৰত কেতিয়াও ভঙা আইনা নাৰাখিব
বাস্তু বিশেষজ্ঞৰ মতে যদি কোনো আইনা ভাঙি যায়, তেন্তে ঘৰত কেতিয়াও ৰাখিব নালাগে। এনে কৰিলে ঘৰত ধনাত্মক শক্তিৰ প্ৰবাহত বাধা আহি পৰে আৰু অপশক্তিয়ে ঘৰত আধিপত্য বিস্তাৰ কৰিবলৈ আৰম্ভ কৰে। ইয়াৰ ফলস্বৰূপে ঘৰৰ সদস্যসকলৰ মাজত বিবাদ আৰু পাৰস্পৰিক কাজিয়া আৰম্ভ হয়, যাৰ বাবে পৰিয়ালটো ভাঙিবলৈ বেছি সময় নালাগে।
হঠাতে আইনা এখন ভাঙি যোৱাটোৱেও আমাক কিছু ইংগিত দিয়ে। অৰ্থাৎ ঘৰত কিছু ডাঙৰ সমস্যা হবলৈ গৈ আছিল, যিটো এই আইনাখনত ডাইভাৰ্ট কৰি আপাততঃ ৰোধ কৰা হৈছে। এনে অৱস্থাত ভঙা আইনা ঘৰৰ পৰা বাহিৰলৈ পেলাই দিয়াই ভাল। এই কামটো নকৰিলে ইয়াৰ বেয়া পৰিণতিৰ সন্মুখীন হ’ব লাগিব।
Continue Reading
