--°C
Loading...
Listen to Article
2 min read
80%
ডিজিটেল ডেস্ক : ইজনৰ পাছত সিজন বিৰোধী নেতা, ইটোৰ পাছত সিটো বিৰোধী দল। যেতিয়াই পোনপটীয়া পথেৰে বিজেপিয়ে কাবু কৰিব পৰা নাই বিৰোধীক, তেতিয়াই তেওঁলোকে বক্ৰ পথ গ্ৰহণ কৰিছে আৰু বিৰোধীৰ ওপৰত চাপ সৃষ্টি কৰিবলৈ চেষ্টা কৰিছে। এই বক্ৰ পথ হৈছে ‘ৰেইড’। বিভিন্ন কেন্দ্ৰীয় সংস্থাক হাতৰ পুতলা কৰি লৈ মোদীয়ে ‘ৰেইড ৰাজ’ চলাই থকাৰ অভিযোগ উঠিছে। এই অভিযোগে ক্ৰমাৎ তীব্ৰতা লাভ কৰি আহিছে। কিয়নো ইখনৰ পাছত সিখন বিজেপিবিৰোধী শক্তিয়ে শাসন কৰা ৰাজ্যত চলিছে কেন্দ্ৰীয় বাহিনীৰ ৰেইড, অভিযান, ইটোৰ পাছত সিটো গোচৰ আৰু ইজনৰ পাছত সিজন নেতাক জেৰা। পশ্চিমবংগৰ পৰা মহাৰাষ্ট্ৰলৈকে ইখনৰ পাছত চলিছে মোদীৰ এই ৰেইড ৰাইজ। প্ৰধানমন্ত্ৰী নৰেন্দ্ৰ মোদীয়ে ২০১৭ চনৰ নিৰ্বাচনী জনসভাত কংগ্ৰেছক সকীয়াই দিছিল যে, "আপোনাকে নিজৰ মুখ বন্ধ ৰাখক, মোৰ ওচৰত আপোনালোক সম্পূৰ্ণ জন্মকুণ্ডলী আছে,।’ অৰ্থাৎ বিৰোধী দলৰ নিজৰ হাতৰ মুঠিত ৰাখি মোদীয়ে তেওঁলোকক চাপত ৰাখিবলৈ বা একধৰণে বাকৰুদ্ধ কৰি ৰাখিবলৈ চেষ্টা চলাইছে। মোদীৰ এই পোনপটীয়া ভাবুকি ২০১৭ চনৰ ফেব্ৰুৱাৰীত বিধানসভা নিৰ্বাচনৰ সময়ত দিয়া দেখা গৈছিল। তেওঁৰ ইজৰাইল ভ্ৰমণৰ কেইমাহমান আগতে তেওঁ এই ভাবুকি দিছিল। তাৰ পাছতে মোদীৰ বহুচৰ্চিত ইজৰাইল ভ্ৰমণৰ সময়তে ভাৰতে স্পাইৱেৰ পেগাচাছ ক্ৰয়ৰ চুক্তি কৰিছিল বুলি জনা যায়। এই পেগাছাছ স্পাইৱেৰ দেশৰ বিজেপি বিৰোধী শিবিৰৰ ব্যক্তিগত গোপনীয়তাৰ অধিকাৰ হৰণ কৰাৰ প্ৰধান আহিলা হৈ পৰিছিল। কিয়নো ইয়াৰ জৰিয়তে বিভিন্ন বিৰোধী দলৰ নেতা, সাংবাদিক, সমাজকৰ্মী আদিৰ ফোনত অবৈধ নজৰদাৰী কৰা হৈছিল। তাৰ তিনি মাহৰ পাছত, অৰ্থাৎ ২০১৭চনৰ ১৫ মে’ত কেন্দ্ৰীয় অনুসন্ধান ব্যুৰো (চিবিআই)য়ে কংগ্ৰেছ নেতা পি চিদাম্বৰমৰ সৈতে জড়িত আইএনএক্স মিডিয়া গোচৰত প্ৰথম তথ্য প্ৰতিবেদন দাখিল কৰে। ২০০১ চনত গুজৰাটৰ মুখ্যমন্ত্ৰী হিচাপে দায়িত্ব গ্ৰহণ কৰাৰ পাছৰ পৰা বিশ্বস্ত বিষয়াসকলৰ দ্বাৰা ৰাজনৈতিক বিৰোধীসকলৰ বিষয়ে সবিশেষ চম্ভালি লোৱাটো মোদীৰ ক্ষমতা ধৰি ৰখাৰ আটাইতকৈ শক্তিশালী সঁজুলি হিচাপে চিহ্নিত হৈছে। বিৰোধীৰ বিষয়ে সকলো তথ্য নখ দৰ্পনত ৰাখি প্ৰয়োজনত তেওঁলোকৰ নেলু চেপা দিয়াটো এতিয়া হৈ পৰিছে এক অব্যৰ্থ কৌশল। যাৰ বাবে পশ্চিম বংগৰ পৰা মহাৰাষ্ট্ৰলৈকে সকলোতে এই কৌশল দেখিবলৈ পোৱা গৈছে। বহু বিৰোধী দলৰ নেতাই বিজেপিৰ এই চাপ সহিব নোৱাৰি দলটোত চামিল হৈছে আৰু বাকীসকলে উশাহ ৰুদ্ধ হৈ পৰা পৰিস্থিতিৰ মাজত সময় অতিবাহিত কৰিবলগীয়া হৈছে। ৰাজনৈতিক বিজ্ঞানীসকলে ঘৰুৱা ৰাজনৈতিক বিৰোধীসকলৰ বিৰুদ্ধে চৰকাৰী নিৰীক্ষণৰ অপব্যৱহাৰ আৰু অসামৰিক সেৱা, সামৰিক আৰু নিৰাপত্তা সেৱাৰ ৰাজনীতিকৰণক ‘ক্ৰিপিং আধিপত্যবাদ’ৰ লক্ষণ হিচাপে বিবেচনা কৰে। মন কৰিবলগীয়া যে, ২০১৪ চনৰ পৰা অৰ্থাৎ কেন্দ্ৰত মোদী শাসনলৈ অহাৰ পাছৰে পৰা ইডি, কেন্দ্ৰীয় অনুসন্ধান ব্যুৰো (চিবিআই), আয়কৰ বিভাগ, ৰাষ্ট্ৰীয় অনুসন্ধান সংস্থা (এনআইএ) আৰু নাৰ্কোটিক্স কণ্ট্ৰোল ব্যুৰো (এনচিবি)ৰ দৰে সংস্থাবোৰ সক্ৰিয়তা বৃদ্ধি পোৱা দেখা গৈছে আৰু তেওঁলোকক ৰাজনৈতিক উদ্দেশ্যত ব্যৱহাৰ কৰাৰ অভিযোগ উত্থাপন হৈ আহিছে। এই কেন্দ্ৰীয় সংস্থাবোৰৰ স্বতন্ত্ৰতাত আঘাত হানি ৰেইড ৰাজ চলোৱাটো দেশৰ গণতান্ত্ৰিক ব্যৱস্থাৰ বাবে হৈ পৰিছে এক অশনি সংকেট। prag cine awards 2022

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ