ডিজিটেল ডেস্কঃ তেওঁ কেৱল দৌৰিছিল আৰু দৌৰিছিল৷ ৰ’বলৈ তেওঁৰ সময় নাছিল৷ এনেদৰে ২৩ দিন ধৰি দৌৰি থাকি অৱশেষত তেওঁ লক্ষ্যত উপনীত হ’বলৈ সক্ষম হৈছে৷ আমেৰিকাৰ ফ্লৰিডাৰ এগৰাকী মহিলাই ২৩ দিনৰ ভিতৰত আল্ট্ৰা মাৰাথন ৰাণ সম্পূৰ্ণ কৰিছে৷
এনেদৰে ২৩ দিন ধৰি দৌৰি তেওঁ নতুন গীনিজ ৱৰ্ল্ড ৰেকৰ্ড স্থাপন কৰিবলৈ সক্ষম হয়। ৪১ বছৰীয়া মেগান কেচিডিয়ে ১৭ ডিচেম্বৰৰ পৰা ৮ জানুৱাৰীলৈ প্ৰতিদিনে ৩১.১ মাইল সম্পূৰ্ণ কৰাৰ সময়ত আল্ট্ৰা মাৰাথন সম্পূৰ্ণ কৰাৰ বাবে একেৰাহে সৰ্বাধিক দিনৰ বাবে দৌৰি অভিলেখ গঢ়িছে। গিনিছ ৱৰ্ল্ড ৰেকৰ্ডৰ মতে "আল্ট্ৰা মাৰাথনত (মহিলা) দৌৰাৰ আটাইতকৈবেছি দিনৰ অভিলেখ এয়াই৷ "
মেগানে এই সাফল্যৰ বাবে নিষ্ঠাৰে প্ৰস্তুতি চলাইছিল আৰু তেওঁ তেওঁৰ সহকৰ্মী আৰু সহ খেলুৱৈসকলৰ সমৰ্থনৰ বাবে অতি কৃতজ্ঞ বুলি প্ৰকাশ কৰিছে।" কেচিডিয়ে সংবাদমাধ্যমক কয় , " প্ৰথম কেইদিনমানত পৰ্যাপ্ত কেলৰি খোৱাটো মোৰ বাবে কঠিন আছিল। আমাৰ মগজুৱে আপোনাক এনে কৰাত বাধা দিবলৈ চেষ্টা কৰে, সেয়েহে ভোক নলগা হৈ পৰে।"
Continue Reading
