ডিজিটেল ডেস্কঃ কাইলিয়ান এমবাপে, লিয়নেল মেছি সতীৰ্থ আশ্ৰাফ হাকিমিৰ বিৰুদ্ধে যৌন নিৰ্যাতনৰ অভিযোগ উঠিছে। পিচএছি আৰু মৰক্কোৰ ডিফেণ্ডাৰগৰাকীৰ বিৰুদ্ধে ইতিমধ্যে তদন্ত আৰম্ভ হৈছে।
ফ্ৰান্সৰ কাকত লে পেৰিছিয়েনে প্ৰকাশ কৰা অনুসৰি, ২৬ ফেব্ৰুৱাৰী দেওবাৰে হাকিমিৰ বিৰুদ্ধে আৰক্ষীৰ এজাহাৰ দাখিল কৰে এগৰাকী যুৱতীয়ে। ২৫ ফেব্ৰুৱাৰী শনিবাৰে পেৰিছৰ ঘৰত হাকিমিয়ে তেওঁক যৌন নিৰ্যাতন চলোৱাৰ অভিযোগ উত্থাপন কৰে ছানীয়ে। যুৱতীগৰাকীৰ পৰিচয় প্ৰকাশ কৰা নাই আৰক্ষীয়ে। তেওঁ দণ্ডাধীশক এটা গোপন বিবৃতি দিয়ে।
এজাহাৰ লাভ কৰাৰ পিছতে হাকিমিৰ বিৰুদ্ধে আৰক্ষীয়ে তদন্ত আৰম্ভ কৰে। তেওঁক হাজিৰ হ’বলৈ কোৱা হৈছে। অৱশ্যে হাকিমিয়ে তেওঁৰ বিৰুদ্ধে উত্থাপিত অভিযোগ সন্দৰ্ভত মুখ মেলা নাই। পেৰিছ চেণ্ট জাৰ্মেইনৰ হৈ যোৱা দুখন মেচত খেলা নাছিল হাকিমি। হামষ্ট্ৰিং আঘাতৰ বাবে তেওঁ দলৰ পৰা বাহিৰ হৈছে।
উল্লেখ্য যে কাটাৰ বিশ্বকাপত হাকিমিয়ে মৰক্কোৰ হৈ অতি ভাল ফুটবল খেলিছিল। তেওঁ মৰক্কোক বিশ্বকাপৰ ছেমি ফাইনেলত প্ৰৱেশ কৰাত সহায় কৰিছিল। পি এছ জিতো তেওঁ দূৰ্দান্ত ছন্দত আছে।
Continue Reading
