ডিজিটেল ডেস্কঃ আলুক শাক-পাচলিৰ ৰজা বুলি কোৱা হয় কাৰণ মানুহে প্ৰায় প্ৰতি ভাজি-তৰকাৰীতে আলু মিহলাই ৰান্ধি খাই ভাল পায়। আলু ভাজি বহু মানুহৰে প্ৰিয় খাদ্য। বহুতে আলু ইমানেই ভাল পায় যে প্ৰতিসাঁজ আহাৰতে আলু খাবলৈ মন কৰে। আলু পিটিকা আমাৰ অসমীয়া মানুহৰ অতি আদৰৰ। সাধাৰণতে আমি আলুৰ বাকলি পেলাই দিওঁ, কিন্তু আলুৰ বাকলিত থকা পুষ্টিকৰ উপাদানৰ বিষয়ে যদি আপুনি জানে, তেন্তে আপুনি আৰু কেতিয়াও আলুৰ বাকলি পেলাই নিদিয়ে। আলুৰ বাকলি মানৱ শৰীৰৰ বাবে কিয় উপকাৰী সেই বিষয়ে জানো আহক।
আলুৰ বাকলিৰ পৰা পোৱা পুষ্টিকৰ উপাদান
আলুৰ বাকলিক পুষ্টিকৰ উপাদানৰ ভঁৰাল বুলি গণ্য কৰা হয়। ইয়াত পটাছিয়াম প্ৰচুৰ পৰিমাণে থাকে আৰু ইয়াত আইৰণো প্ৰচুৰ পৰিমাণে থাকে। ইয়াৰ বাহিৰেও আলুৰ বাকলিত ভিটামিন বি ৩ৰ কোনো অভাৱ দেখা নাযায়।
আলুৰ বাকলিৰ উপকাৰিতা
১)হৃদযন্ত্ৰৰ স্বাস্থ্যৰ বাবে ভালঃ আলুৰ বাকলিয়ে আপোনাৰ হৃদযন্ত্ৰৰ স্বাস্থ্য সুস্থ কৰি ৰাখিব পাৰে কাৰণ ইয়াত থকা পটাছিয়াম, মেগনেছিয়াম আৰু কেলচিয়ামৰ সহায়ত ৰক্তচাপ নিয়ন্ত্ৰিত হয়। এতিয়া ভাৰতত য’ত হৃদৰোগীৰ সংখ্যা অতি বেছি, তাত আলুৰ বাকলি বহুতৰ বাবে উপযোগী হ’ব পাৰে।
২)কৰ্কট ৰোগৰ পৰা ৰক্ষা পৰিবঃ আলুৰ বাকলিত প্ৰচুৰ পৰিমাণে ফাইটোকেমিকেল থাকে, যিবোৰ শক্তিশালী এন্টিঅক্সিডেন্ট। ইয়াৰ লগতে এই খোলাবোৰত ক্ল’ৰ’জেনিক এচিড পোৱা যায়, যাৰ ফলত কৰ্কট ৰোগৰ সম্ভাৱনা বহু পৰিমাণে হ্ৰাস পায়।
৩)হাড়বোৰ শক্তিশালী কৰি তোলেঃ আলুৰ বাকলিত কেলচিয়ামৰ দৰে বহুতো গুৰুত্বপূৰ্ণ খনিজ পদাৰ্থ থাকে, গতিকে ই স্বাভাৱিকতে হাড় শক্তিশালী কৰাৰ কাম কৰে। ই হাড়ৰ ঘনত্ব বৃদ্ধি কৰে।
সেয়েহে আলু কাটোতে কেতিয়াবা বাকলিৰ সৈতে কাটি ভাজি খাবলৈ চেষ্টা কৰিব লাগে আৰু বইল কৰোতেও আলুৰ সৈতে বইল কৰিব লাগে।
Continue Reading
