ডিজিটেল ডেস্ক: ২০২৪ৰ জানুৱাৰীত মুকলি হ’ব অযোধ্যাৰ ৰাম মন্দিৰ৷ ঠিক লোকসভা নিৰ্বাচনৰ পূৰ্বে নিৰ্মীয়মাণ ৰাম মন্দিৰ নিৰ্মাণ সম্পূৰ্ণ কৰাৰ লক্ষ্য স্থিৰ কৰা হৈছে৷
অযোধ্যাত ৰাম মন্দিৰ নিৰ্মাণ কৰি থকা শ্ৰীৰাম জন্মভূমি তীৰ্থক্ষেত্ৰ ন্যাসৰ সদস্যজনে কৈছে যে ২০২৪ চনৰ জানুৱাৰীত ৰাম লাল্লাৰ মূৰ্তি স্থাপনৰ পাছত মন্দিৰটো ভক্তসকলৰ বাবে মুকলি কৰা হ'ব৷ মন্দিৰ নিৰ্মাণৰ ৫০ শতাংশ কাম সম্পূৰ্ণ হৈছে আৰু কামৰ প্ৰগতি সন্তোষজনক বুলি ট্ৰাষ্টৰ বিষয়ববীয়াই জানিবলৈ দিছে৷ দীপাৱলীৰ এদিন পাছত মঙলবাৰে ট্ৰাষ্টে সংবাদ মাধ্যমক মন্দিৰ নিৰ্মাণৰ অগ্ৰগতিৰ পৰ্যালোচনা কৰিব পৰা ঠাইখন পৰিদৰ্শন কৰিবলৈ অনুমতি দিছিল।
ট্ৰাষ্টৰ সাধাৰণ সম্পাদক চম্পত ৰায়ে সাংবাদিকক কয়, মুখ্য মন্দিৰৰ ৪০ শতাংশ আৰু সামগ্ৰিকভাৱে কমপ্লেক্সৰ ৫০ শতাংশ কাম সম্পূৰ্ণ হৈছে। নিৰ্মাণ কাৰ্যৰ অগ্ৰগতি আৰু মানত আমি সন্তুষ্ট।
এই ভ্ৰমণকালত প্ৰধানমন্ত্ৰী নৰেন্দ্ৰ মোদীয়ে শনিবাৰে মন্দিৰৰ নিৰ্মাণ কাৰ্যৰ বুজ লোৱা ঠাইলৈ সাংবাদিকসকলকো লৈ যোৱা হয়।
ৰায়ে কৈছিল যে মন্দিৰ নিৰ্মাণৰ বাবে ১৮০০ কোটি টকা খৰচ কৰা হ'ব বুলি অনুমান কৰা হৈছে।
আজিৰ এই ঘোষণাৰ পাছত স্বাভাৱিকতে এই প্ৰশ্ন উঠিছে যে লোকসভা নিৰ্বাচনৰ পূৰ্বেহে কিয় ৰাম মন্দিৰ মুকলি কৰাৰ সিদ্ধান্ত লোৱা হৈছে? ৰাম মন্দিৰৰ আৱেগ সৃষ্টি কৰি বিজেপিয়ে ভোট বিচাৰিব পাৰে বুলিও সামাজিক মাধ্যমত চৰ্চিত হৈছে৷ নিবনুৱা সমস্যা, দেশৰ অৰ্থনৈতিক দুৰৱস্থা আদি মৌলিক বিষয়ক তল পেলাই ৰাম মন্দিৰ নিৰ্মাণৰ আৱেগ সৃষ্টিৰে হিন্দু ভোট আদায়ৰ কৌশল ৰচনাৰ অভিযোগ উত্থাপন হৈছে৷
Continue Reading
