ডিজিটেল ডেস্কঃ আজি উদ্ঘাটন কৰা হ’ল বহু প্ৰতীক্ষিত ৰাম মন্দিৰ৷উত্তৰ প্ৰদেশৰ অযোধ্যাৰ ৰাম মন্দিৰত অনুষ্ঠিত ‘প্ৰাণ প্ৰতিষ্ঠা’ অনুষ্ঠানৰ অন্তত সোমবাৰে ১১ দিনীয়া উপবাস ভংগ কৰে প্ৰধানমন্ত্ৰী নৰেন্দ্ৰ মোদীয়ে।
গোবিন্দ দেৱ গিৰি মহাৰাজে প্ৰধানমন্ত্ৰীক ‘চৰণামৃত’ খুৱাই দিয়াৰ পাছত তেওঁ ব্ৰত ভংগ কৰে৷প্ৰধানমন্ত্ৰী মোদীয়ে ১২ জানুৱাৰীত ঘোষণা কৰিছিল যে অযোধ্যাত ৰাম লল্লাৰ অভিষেক অনুষ্ঠানলৈকে ১১ দিনীয়া বিশেষ অনুষ্ঠান আৰম্ভ কৰিব। নিজৰ অফিচিয়েল ইউটিউব চেনেলত প্ৰকাশ কৰা এক অডিঅ’ বাৰ্তাত প্ৰধানমন্ত্ৰীয়ে এই কথা ঘোষণা কৰে৷প্ৰধানমন্ত্ৰী মোদীয়ে কৈছিল যে- "ৰাম মন্দিৰৰ 'প্ৰাণ প্ৰতিষ্ঠা'ৰ বাবে মাত্ৰ ১১ দিন বাকী আছে। অভিষেকৰ সময়ত ভাৰতবাসীক প্ৰতিনিধিত্ব কৰিবলৈ ভগৱানে মোক সৃষ্টি কৰিছে। এই কথা মনত ৰাখি আজিৰ পৰা ১১ দিনৰ বাবে এক বিশেষ অনুষ্ঠান আৰম্ভ কৰিছোঁ।"
উল্লেখ্য যে আজি প্ৰধানমন্ত্ৰী মোদীয়ে ‘প্ৰাণ প্ৰতিষ্ঠা’ অনুষ্ঠান কৰাৰ পাছতে ৰাম লল্লাৰ মুখ উন্মোচিত হয়। ৰাম মন্দিৰৰ গৰ্ভগৃহত উপস্থিত হোৱাৰ পাছতে আৰ এছ এছৰ মুৰব্বী মোহন ভাগৱতৰ সৈতে প্ৰধানমন্ত্ৰীয়ে অভিষেক অনুষ্ঠান আৰম্ভ কৰে।
Continue Reading
