ডিজিটেল ডেস্ক: ২২ জানুৱাৰীত ৰাম মন্দিৰৰ অভিষেক অনুষ্ঠানৰ পাছত বিগত ১১ দিনত প্ৰায় ২৫ লাখ ভক্তই মন্দিৰ দৰ্শন কৰিছে আৰু নৈবেদ্য আৰু অনুদানৰ পৰিমাণ ১১ কোটি টকা অতিক্ৰম কৰিছে।
মন্দিৰ ন্যাসৰ কাৰ্যালয়ৰ ভাৰপ্ৰাপ্ত বিষয়া প্ৰকাশ গুপ্তাৰ মতে বিগত ১১ দিনত দানবাকচত প্ৰায় ৮ কোটি টকা জমা কৰা হৈছে৷ আনহাতে চেক আৰু অনলাইনৰ জৰিয়তে লাভ কৰা টকাৰ পৰিমাণ হৈছে প্ৰায় ৩ কোটি ৫০ লাখ টকা।
ইয়াৰ উপৰি দৰ্শনাৰ্থীয়ে ১০টা কম্পিউটাৰযুক্ত কাউণ্টাৰত দান কৰিছে। তেওঁ কয় যে মন্দিৰ ন্যাসৰ কৰ্মচাৰীসকলক দান কাউণ্টাৰত নিযুক্তি দিয়া হৈছে আৰু তেওঁলোকে সন্ধিয়া কাউণ্টাৰ বন্ধ হোৱাৰ পাছত ট্ৰাষ্ট কাৰ্যালয়ত অনুদানৰ পৰিমাণৰ হিচাপ দাখিল কৰে।
গুপ্তাই লগতে কয় যে দানৰ পৰিমাণ জমা কৰাৰ পৰা ইয়াক গণনা কৰালৈকে সকলো কাৰ্য চিচিটিভি কেমেৰাৰ নিৰীক্ষণত কৰা হয়।
ইপিনে, ৰাম মন্দিৰলৈ আহিয়েই আছে দামী দামী উপহাৰ৷ আমেৰিকাৰ পৰা ৰাম মন্দিৰলৈ আহিছে সোণৰ ৰথ, সোণৰ অনন্ত শয্যা, সোণৰ গৰুড়, সোণৰ বিষ্ণুমূৰ্তি, সোণৰ স্তম্ভ, সোণৰ হাতী, সিংহ, বৃক্ষ৷ সোণৰ পুষ্পক ৰথো প্ৰেৰণ কৰা হৈছে ৰাম মন্দিৰলৈ৷ আমেৰিকাৰবাসী ৰামভক্তৰ
মুঠ ১২টা উপহাৰৰ মূল্য কোটি টকাৰো অধিক বুলি জানিব পৰা গৈছে৷
Continue Reading
