ডিজিটেল ডেস্কঃ আমেৰিকা যুক্তৰাষ্ট্ৰৰ চিনচিনাটিত উদ্ধাৰ হয় এগৰাকী ভাৰতীয় ছাত্ৰৰ মৃতদেহ। নিহত ছাত্ৰগৰাকীক শ্ৰেয়ছ ৰেড্ডী বেনিগাৰ বুলি চিনাক্ত কৰা হৈছে। বৃ্হস্পতিবাৰে উদ্ধাৰ হৈছিল ছাত্ৰজনৰ মৃতদেহটো। ছাত্ৰজনৰ বয়স ১৯ বছৰ।
অহাইঅ’ৰ লিণ্ডাৰ স্কুল অৱ বিজনেছৰ ছাত্ৰ আছিল শ্ৰেয়ছ ৰেড্ডী বেনিগাৰ। মৃত ছাত্ৰগৰাকীৰ পিতৃ-মাতৃ হায়দৰাবাদত বাস কৰে বুলি জানিব পৰা গৈছে।
ছাত্ৰগৰাকীৰ মৃত্যুৰ আঁৰত কোনো ধৰণৰ অপৰাধৰ সম্ভাৱনা নুই কৰিছে কৰ্তৃপক্ষই। নিউয়ৰ্কস্থিত ইণ্ডিয়ান মিছনে ছাত্ৰগৰাকীৰ মৃত্যুত গভীৰ দুখ প্ৰকাশ কৰি শোকসন্তপ্ত পৰিয়ালবৰ্গক সমবেদনা জ্ঞাপন কৰে।
ছাত্ৰজনৰ মৃত্যুত তদন্ত অব্যাহত ৰাখিছে আৰক্ষীয়ে। উল্লেখ্য যে বিগত এসপ্তাহৰ ভিতৰত আমেৰিকাত ভাৰতীয় ছাত্ৰৰ এয়া তৃতীয়টো মৃত্যুৰ ঘটনা।
এই কথাই এতিয়া চিন্তিত কৰি তুলিছে অভিভাৱসকলক।
Continue Reading
