ডিজিটেল ডেস্কঃ নিজৰ শৰীৰৰ ছালৰে মাকৰ বাবে জোতা বনালে এজন যুৱকে। সেই জোতাযোৰ তেওঁ মাকৰ ভৰিত নিজৰ হাতেৰে পিন্ধাই দিলে। তেওঁ কয় যে মাতৃভক্তিৰ এই প্ৰেৰণা তেওঁ ৰামায়ণৰ পৰাই পাইছিল।
মধ্যপ্ৰদেশৰ উজ্জয়িনৰ বাসিন্দা ৰৌনক গুৰজাৰ। তেওঁ ৰামায়ণৰ অনুৰাগী। দৈনিক এবাৰ ৰামায়ণ পঢ়ে। ৰাম তেওঁৰ আদৰ্শ। সেই কিতাপখন পঢ়াৰ পিছত মাকৰ বাবে কিবা এটা কৰাৰ হেঁপাহ অনুভৱ কৰিলে। নিজৰ ছালৰে মাকৰ জোতা বনাবলৈ পৰিকল্পনা কৰিছে।
জানিব পৰা মতে, যুৱকজন পূর্বে অপৰাধমূলক কার্যত জড়িত আছিল৷ তেওঁক এবাৰ আৰক্ষীয়ে গুলীয়াইছিল। তেওঁৰ ভৰিত গুলী লাগিছিল। সেই ভৰিৰ ওপৰৰ অংশৰ পৰা অস্ত্ৰোপচাৰৰ দ্বাৰা কিছু ছাল আঁতৰাই পেলোৱা হৈছিল। ছালখন মুচিৰ ওচৰলৈ লৈ যায়। যুৱকজনে ঘৰত এই সমগ্ৰ প্ৰক্ৰিয়াটোৰ বিষয়ে কাকো খবৰ নিদিলে।
মুচিয়ে জোতা প্ৰস্তুত কৰিলে। তাৰপাছত যুৱকজনে চামৰাৰ জোতাযোৰ মাকক দিলে। ইয়াৰ পিছত জোতাটো আচলতে কিহৰ পৰা তৈয়াৰ কৰা হৈছ শুনি মাকজনী কান্দি উঠিল। মাক আৰু পুত্ৰৰ মাজত এক আৱেগিক মুহূৰ্তৰ সৃষ্টি হয়।
সংবাদ মাধ্যমত যুৱকজনে কয়, “ৰামায়ণৰ মতে, ভগৱান ৰামে এবাৰ কৈছিল যে নিজৰ ছালৰ জোতাৰে মাতৃক সন্মান দেখুওৱাটোও যথেষ্ট নহয়। তাৰ পৰাই মোৰ মনলৈ আহিল এই ধাৰণা। সেই জোতাযোৰ মাক উপহাৰ দিবলৈ পৰিকল্পনা কৰিছো।''
Continue Reading
