ডিজিটেল ডেস্কঃ এটা ৭ ফুট ওখ চৰাই। আমেৰিকাৰ এখন ব্যস্ত চহৰৰ ৰাজপথেৰে দৌৰিছে চৰাইটোৱে। আপুনি ইমুৰ বিষয়ে নিশ্চয় শুনিছে । তেনে এটা ইমু চৰাইয়েই আমেৰিকা যুক্তৰাষ্ট্ৰৰ টেনেচীৰ এখন চহৰৰ মাজেৰে দৌৰিছে।
আমেৰিকাৰ হেৰী মেককিনিৰ পোহনীয়া এমুবোৰৰ মাজৰে মীমু নামৰ চৰাইটোৱে সঁজাৰ পৰা মুক্ত হৈ ৰাজপথলৈ ওলাই আহে। ৭ ফুটৰ ওখ উৰিব নোৱাৰা চৰাইটোৱে হাৰিমেন চহৰৰ ৰাজপথেৰে প্ৰতি ঘণ্টাত ৪০ মাইল গতিবেগেৰে দৌৰি থাকে। চৰাইটোৱে কিবা অথন্তৰ ঘটাব পাৰে বুলি আশংকা কৰিয়েই আৰক্ষীয়ে চৰাইটোক ধৰিবলৈ পিছে পিছে খেদি যায়।
এই ঘটনাৰ ভিডিঅ’ এতিয়া ভাইৰেল হৈ পৰিছে। মেককিনিয়ে তেওঁৰ পলাই যোৱা ইমুটোৰ বিষয়ে ছচিয়েল মিডিয়াত পোষ্ট কৰিছিল। লগে লগে বহুতে তেওঁৰ ইনবক্সত মীমুৰ অৱস্থানৰ বিষয়ে বাৰ্তা প্ৰেৰণ কৰিছিল। লগে লগে হাৰিমেন পুলিচেও চৰাইটোক ধৰিবলৈ তৎপৰ হৈ পৰে। ষ্টিভেন মেকডেনিয়েল নামৰ লোক জনে চাৰিখন আৰক্ষীৰ গাড়ীয়ে চৰাইটোক ধৰিবলৈ খেদি যোৱাৰ এটা ভিডিঅ' কেমেৰাত বন্দী কৰিছে। ইমু হৈছে উট চৰাইৰ পিছতে পৃথিৱীৰ দ্বিতীয় সৰ্ব বৃহৎ চৰাই, যাৰ উচ্চতা সাধাৰণতে প্ৰায় ৫ ফুট ৮ ইঞ্চি হয়। কিন্তু পলাই যোৱা ইমুটোৰ উচ্চতা প্ৰায় ৭ ফুট। শেহতীয়াকৈ চৰাইটো ধৰিবলৈ সক্ষম হৈছে আৰক্ষী।
Continue Reading
