ডিজিটেল ডেস্কঃ পঞ্জাৱৰ অমৃতসৰৰ সোণালী মন্দিৰত এগৰাকী মহিলাৰ মুখত ত্ৰিৰংগা অংকন কৰা বাবে প্ৰৱেশৰ পৰা বঞ্চিত হোৱাৰ অভিযোগ উত্থাপন হৈছে। এই ঘটনাৰ এটা ভিডিঅ’ ছ’চিয়েল মিডিয়াত ভাইৰেল হৈ পৰাত সামাজিক মাধ্যম ব্যৱহাৰকাৰীৰ ক্ষোভৰ সৃষ্টি হৈছে।ইণ্টাৰনেটত বহুলভাৱে প্ৰচাৰিত ক্লিপটোত মহিলাগৰাকী আৰু এজন পুৰুষে বিখ্যাত শিখ মন্দিৰত প্ৰৱেশ কৰিবলৈ নিদিয়া ব্যক্তিজনৰ মুখামুখি হোৱা দেখা গৈছে। মহিলাগৰাকীক কিয় গুৰুদ্বাৰত প্ৰৱেশ কৰিবলৈ দিয়া নহ’ল বুলি সোধাত ব্যক্তিজনে কয়, “তাইৰ মুখত পতাকা আছে।” মহিলাগৰাকীয়ে যেতিয়া ভাৰতৰ পতাকা বুলি ক'লে, তেতিয়া তেওঁ ক'লে, "এইখন ভাৰত নহয়, পঞ্জাৱহে।"
ঘটনাৰ ভিডিঅ’ই ছ’চিয়েল মিডিয়া ব্যৱহাৰকাৰীৰ চোকা প্ৰতিক্ৰিয়াৰ সৃষ্টি কৰাৰ লগে লগে শিৰোমণি গুৰদ্বাৰ পৰবন্ধক সমিতিৰ সাধাৰণ সম্পাদকে স্পষ্টীকৰণ জাৰি কৰে।“এইটো এটা শিখ মন্দিৰ। প্ৰতিটো ধৰ্মীয় স্থানৰ নিজস্ব শিষ্টাচাৰ আছে...আমি সকলোকে আদৰণি জনাইছো...কোনো বিষয়াই বেয়া আচৰণ কৰিলে আমি ক্ষমা বিচাৰিছো...তাইৰ মুখত পতাকাখন আমাৰ জাতীয় পতাকা নাছিল কাৰণ তাত অশোক চক্ৰ নাছিল। এয়া ৰাজনৈতিক পতাকা হ’ব পাৰিলেহেঁতেন বুলি ভাইৰেল ভিডিঅ’টোৰ বিষয়ে সোধাত এছজিপিচিৰ সাধাৰণ সম্পাদক গুৰচৰণ সিং গ্ৰেৱালে কয়।
Continue Reading
