ডিজিটেল ডেস্কঃ আমেৰিকাৰ কুখ্যাত যৌন অপৰাধী জেফ্ৰি এপষ্টেইনৰ ফাদিল নথি-পত্ৰই পাকিস্তানৰ ৰাজনীতি আৰু ক্ৰিকেটত বিতৰ্কৰ সৃষ্টি কৰিছে। এই বিতৰ্কৰ কেন্দ্ৰবিন্দুত আছে পাকিস্তানৰ বিশ্বকাপ বিজয়ী অধিনায়ক তথা প্ৰাক্তন প্ৰধানমন্ত্ৰী ইমৰাণ খান। আন এজন প্ৰাক্তন অধিনায়ক ৱাছিম আক্ৰামৰ নামো জড়িত হৈ আছে। ক্ষুব্ধ আক্ৰমে এই অভিযোগ খাৰিজ কৰে। ইমৰাণৰ বক্তব্য জানিব পৰা হোৱা নাই।
বিশ্বৰ বিখ্যাত ব্যক্তিসকলৰ চৰিত্ৰৰ অন্ধকাৰ দিশটো এপষ্টেইনৰ নথিখনৰ পৰা ওলাই আহিবলৈ ধৰিলে। কুখ্যাত যৌন অপৰাধীৰ ৰেকৰ্ডত বিল ক্লিণ্টন, ড’নাল্ড ট্ৰাম্প, মাইকেল জেকচন, প্ৰিন্স এণ্ড্ৰু, ষ্টিফেন হকিঙৰ নামো আছে। ইমৰাণৰ নামো এপষ্টেইনৰ নথি-পত্ৰতো আছে। এপষ্টেইনে আয়োজন কৰা প্ৰাপ্তবয়স্কৰ বাবে অনুষ্ঠিত হোৱা পাৰ্টিত ইমৰাণৰ এখন ফটো প্ৰকাশ পাইছে । ফটোত দেখা গৈছে পাকিস্তানৰ প্ৰাক্তন প্ৰধানমন্ত্ৰীগৰাকীয়ে এপষ্টেইনৰ প্ৰাক্তন প্ৰেমিকা তথা ঘনিষ্ঠ বন্ধু ঘিছলাইন মেক্সৱেলৰ সৈতে। তাই আছিল এপষ্টেইনৰ যৌন অপৰাধৰ সংগী। তেওঁৰ বিৰুদ্ধেও কেইবাটাও গোচৰ ৰুজু কৰা হৈছিল।
আলী শ্বাহবাজ চৌধুৰী নামৰ এজন ব্যক্তিয়ে প্ৰাপ্তবয়স্ক পাৰ্টিত ইমৰাণৰ ছবি ফাদিল কৰে। তেওঁৰ মতে, এপষ্টেইনে ১৯৯৮ চনত ৱেষ্ট ইণ্ডিজৰ দুটা দ্বীপ ক্ৰয় কৰিছিল। ৭২ একৰ ভূমিৰ এটা দ্বীপক ‘পেড’ফাইল দ্বীপ’ বুলিও কোৱা হয়। যাৰ মালিক আছিল মেক্সৱেল। এপষ্টেইনে তাত কেইবাটাও প্ৰাপ্তবয়স্ক পাৰ্টি আয়োজন কৰিছিল। ইমৰাণ আৰু আক্ৰাম তেনেকুৱা এটা পাৰ্টিলৈ গৈছিল। মেক্সৱেলে তেওঁলোকৰ বাবে ব্যক্তিগত বিমানৰ ব্যৱস্থাও কৰিছিল।
এপষ্টেইনৰ অপৰাধৰ সৈতে জড়িত হোৱাৰ বাবে আক্ৰমে ক্ষোভ প্ৰকাশ কৰে। তেওঁ অভিযোগকাৰীলৈ ছ’চিয়েল মিডিয়াত লিখিছে, ‘মিছা কথা বিয়পোৱা বন্ধ কৰক।’’
উল্লেখ্য যে আমেৰিকাৰ কোটিপতিগৰাকীক যৌন নিৰ্যাতনৰ অভিযোগ উত্থাপন কৰিছে কমেও ৪০ গৰাকী মহিলাই। তেওঁৰ নিৰ্যাতনৰ সবিশেষও বহুবাৰ প্ৰকাশ পাই আহিছে। ২০১৯ চনত যৌন অপৰাধী এপষ্টেইনক জেললৈ প্ৰেৰণ কৰা হৈছিল। জেলত আত্মহত্যা কৰে। এপষ্টেইনৰ পিছত ২০২১ চনত তেওঁৰ বন্ধু মেক্সৱেলক যৌন অপৰাধৰ দোষী সাব্যস্ত কৰা হয়। ২০ বছৰৰ কাৰাদণ্ড ভুগি আছে।
Continue Reading
