ডিজিটেল ডেস্কঃ ৯২ বছৰ বয়সত মৃত্যু হৈছে মাৰিঅ’ জাগালোৰ। এইগৰাকী ব্ৰাজিলৰ ফুটবলাৰ ফুটবলাৰ আৰু প্ৰশিক্ষক হিচাপে চাৰিবাৰকৈ বিশ্বকাপ জয় কৰিছিল। জাগালোৰ ইনষ্টাগ্ৰাম পোষ্টত তেওঁৰ মৃত্যুৰ কথা ঘোষণা কৰা হয়।
ফুটবলাৰ আৰু প্ৰশিক্ষক হিচাপে প্ৰথমে বিশ্বকাপ জয়ৰ অভিলেখ গঢ়িছিল জাগালো। ১৯৫৮ আৰু ১৯৬২ চনত ফুটবল খেলুৱৈ হিচাপে ব্ৰাজিলৰ হৈ বিশ্বকাপ জয় কৰিছিল। ১৯৭০ চনত ব্ৰাজিলৰ প্ৰশিক্ষক হিচাপে তেওঁ বিশ্বকাপ জয় কৰিছিল। ৩৮ বছৰ বয়সত তেওঁ প্ৰশিক্ষক হিচাপে বিশ্বকাপ জয় কৰিছিল। বিশ্বকাপ জয় কৰা দ্বিতীয় কনিষ্ঠ প্ৰশিক্ষক জাগালো। ১৯৯৪ চনত ব্ৰাজিলৰ বিশ্বকাপ বিজয়ী দলৰ সহকাৰী পৰিচালক আছিল।
পেলেৰ মৃত্যুৰ পিছত ১৯৫৮ চনৰ বিশ্বকাপ বিজয়ী ব্ৰাজিল দলৰ শেষৰজন জীৱিত খেলুৱৈ আছিল জাগালো। শনিবাৰে তেওঁৰ মৃত্যুৰ কথা ঘোষণা কৰা এটা পোষ্টত লিখা আছিল, ‘বিশ্বকাপ বিজয়ী মাৰিঅ’ জাগালোৰ মৃত্যু হোৱাটো দুখৰ বিষয়। তেওঁ নিজৰ পৰিয়ালটোক অপৰিসীমভাৱে ভাল পাইছিল। তেখেতৰ মৃত্যুত আমি দুখী। তেওঁৰ লগত কটোৱা প্ৰতিটো মুহূৰ্ত আমি উপভোগ কৰিছিলোঁ।”
জাগালোৰ জন্ম হৈছিল ১৯৩১ চনত। সেনাবাহিনীতো যোগদান কৰিলে। ১৯৫০ চনৰ বিশ্বকাপত মাৰাকানা ষ্টেডিয়ামত গাৰ্ড হিচাপে উপস্থিত আছিল জাগালো। ৮ বছৰৰ পিছত তেওঁ পেলেৰ সতীৰ্থ হিচাপে খেলি ব্ৰাজিলক বিশ্বকাপ আনিছিল।
Continue Reading
