ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে যোৱা সপ্তাহত ভ্ৰমণ কৰে আমেৰিকা যুক্তৰাষ্ট্ৰ। এই সময়ছোৱাত আমেৰিকাৰ পৰা ৩১খন প্ৰিডেটৰ ড্ৰ’ন ক্ৰয়ৰ চুক্তি চূড়ান্ত কৰা হয়।শেহতীয়াকৈ কংগ্ৰেছে এই চুক্তিক ৰাফেলতকৈও ডাঙৰ কেলেংকাৰি বুলি অভিহিত কৰিছে।
কংগ্ৰেছৰ মুখপাত্ৰ পৱন খেৰাই সংবাদমেলত কয় – আমি ৩.০৭২ বিলিয়ন মাৰ্কিন ডলাৰ অৰ্থাৎ ২৫ হাজাৰ ২০০ কোটি টকাত ৩১খন প্ৰিডেটৰ ড্ৰোন ক্ৰয় কৰিছো। অৰ্থাৎ আমি ৮১২ কোটি টকাত প্ৰতিখন ড্ৰোন ক্ৰয় কৰিছো, আনহাতে ডি আৰ ডি অ’ই এই ড্ৰ’নখন ১০ৰ পৰা ২০ শতাংশ খৰচত নিৰ্মাণ কৰিব পাৰে। কংগ্ৰেছৰ এই অভিযোগৰ পিছতে জ্যেষ্ঠ সাংবাদিক হৰ্ষবৰ্ধন ত্ৰিপাঠীয়ে টুইট কৰি উত্তৰ দিছে।
উল্লেখযোগ্য যে ভাৰতে আমেৰিকাৰ কোম্পানী জেনেৰেল এটমিকছৰ পৰা মুঠ ৩১ খন ড্ৰোন (১৬ টা স্কাই গাৰ্ডিয়ান আৰু ১৫ খন ছি গাৰ্ডিয়ান ড্ৰোন) ক্ৰয় কৰিব। এইসমূহ জেনেৰেল এটমিকছৰ দ্বাৰা তৈয়াৰ কৰা হয়।তদুপৰি জুলাইৰ পৰা ড্ৰ’নৰ বিষয়ক বৈঠক আৰম্ভ হ’ব।
Continue Reading
