ডিজিটেল ডেস্ক: দহদিনীয়া ভ্ৰমণসূচীৰে আমেৰিকাত উপস্থিত হোৱা ভাৰতৰ বৈদেশিক পৰিক্ৰমা মন্ত্ৰী এছ জয়শংকৰে আফগানিস্তানৰ পৰা ভাৰতীয় লোকসকলক উদ্ধাৰ কৰাৰ প্ৰচেষ্টাক স্মৰণ কৰি প্ৰধানমন্ত্ৰী মোদীক গভীৰ প্ৰশংসা কৰে।

Listen to Article

2 min read

80%

তেওঁ কয় যে সেই সময়ত পিএম মোদীয়ে মাজনিশা ফোন কৰি মিছনৰ বিষয়ে সোধা-পোছা কৰিছিল। কলম্বিয়া বিশ্ববিদ্যালয়ৰ ৰাজ চেণ্টাৰ অব্ ইণ্টাৰনেশ্যনেল এণ্ড পাব্লিক এফেয়াৰ্ছত কলম্বিয়া বিশ্ববিদ্যালয়ৰ অধ্যাপক তথা নিটি আয়োগৰ প্ৰাক্তন উপাধ্যক্ষ অৰবিন্দ পানাগৰিয়াৰ সৈতে বাৰ্তালাপত মিলিত হয় এছ জয়শংকৰ।

কথা প্ৰসংগত বৈদেশিক পৰিক্ৰমা মন্ত্ৰীগৰাকীয়ে কয় যে আফগানিস্তান মিছনৰ সময়ত দোভাগ নিশা প্ৰধানমন্ত্ৰীয়ে তেওঁলৈ ফোন কৰিছিল৷

প্ৰধানমন্ত্ৰী মোদীৰ প্ৰথম প্ৰশ্ন আছিল - আপুনি সাৰে আছে নে?

আফগানিস্তানৰ পৰা ভাৰতে নাগৰিক সকলক উদ্ধাৰ কৰাৰ প্ৰচেষ্টাক স্মৰণ কৰি কেন্দ্ৰীয় মন্ত্ৰী এছ জয়শংকৰে কয়, ‘তেতিয়া নিশা গভীৰ হৈছিল প্ৰধানমন্ত্ৰীয়ে মোক ফোন কৰিছিল। তেওঁৰ প্ৰথম প্ৰশ্ন আছিল- ‘সাৰে আছে নে ?’ মই তেওঁক ক’লোঁ যে উদ্ধাৰৰ কাম পূৰ্ণগতিত চলি আছে৷ তেওঁ মিছন শেষ হ’লে ফোন কৰিবলৈ ক’লে। এইটো এটা প্ৰধানমন্ত্ৰীৰ উল্লেখযোগ্য গুণ৷’

মন্ত্ৰীগৰাকীয়ে লগতে উল্লেখ কৰে যে, ‘প্ৰধানমন্ত্ৰীগৰাকীয়ে মোক সুধিছিল আপুনি টিভি চাই আছে নেকি? মই ক’লোঁ হয়, মই টিভি চাই আছোঁ। তাৰ পাছত তেওঁ সুধিলে তাত কি হৈ আছে? মই ক’লোঁ দ্ৰুতগতিত উদ্ধাৰৰ কাম চলি আছে ৷ ইয়াৰ পিছত প্ৰধানমন্ত্ৰীয়ে ক’লে, ‘বাৰু, যেতিয়া শেষ হ’ব, তেতিয়া মোক ফোন কৰক।’ ইয়াৰ পিছত মই ক’লোঁ, ‘দুই-তিনি ঘণ্টা সময় লাগিব, যেতিয়া কাম শেষ হ’ব, মই আপোনাক ক'ম।’ ইয়াৰ পিছত কিছু সময় ৰৈ তেওঁ ক’লে, ‘মোক ফোন কৰক’।

আনহাতে, বৈদেশিক পৰিক্ৰমা মন্ত্ৰী এছ. জয়শংকৰে নিউয়ৰ্কত মোদী@২০: ড্ৰিমছ মিট ডেলিভাৰী নামৰ কিতাপখন আলোচনা কৰিবলৈ আয়োজন কৰা এক কাৰ্যসূচীত অংশগ্ৰহণ কৰে। এই গ্ৰন্থৰ আলোচনাত তেওঁ কয়, ‘পিএম মোডী নিজেই এটা পৰিৱৰ্তনৰ ফল আৰু ইয়াৰ পৰা দেখা যায় যে দেশখন কিমান পৰিৱৰ্তন হৈছে।’