ডিজিটেল ডেস্কঃ এগৰাকী ২১ বছৰীয়া মহিলাই একেলগে জন্ম দিলে চাৰিটা সন্তান। ওড়িশাৰ সম্বলপুৰ জিলাৰ চৰকাৰী বীৰ সুৰেন্দ্ৰ সাই ইনষ্টিটিউট অৱ মেডিকেল ছায়েন্স এণ্ড ৰিচাৰ্চত মহিলাগৰাকীয়ে সন্তান চাৰিটি প্ৰসৱ কৰে। চিকিৎসালয়খনত এই ঘটনা এয়াই প্ৰথম বুলি সদৰী কৰিছে চিকিৎসালয় কৰ্তৃপক্ষই।
মহিলা গৰাকী সোণেপুৰ জিলাৰ বাঞ্জিপালী গাঁৱৰ কুনি সুনা বুলি জানিব পৰা গৈছে। প্ৰসৱৰ বিষ হ’বলৈ আৰম্ভ কৰাৰ পিছত সোমবাৰে ভিমছাৰৰ প্ৰসূতি আৰু স্ত্ৰীৰোগ বিভাগত ভৰ্তি কৰোৱা হয় মহিলাগৰাকীক।
মাতৃ আৰু কেঁচুৱাকেইটাৰ স্বাস্থ্য সুস্থিৰ বুলি জানিব পৰা গৈছে। নৱজাতককেইটাৰ ভিতৰত তিনিজনী ছোৱালী আৰু এজন ল’ৰা।
চিকিৎসালয় কৰ্তৃপক্ষৰ মতে, কুনিয়ে বিয়লি প্ৰায় ২ বজাত দুগৰাকী কন্যা সন্তান, বিয়লি ২.০২ বজাত আন এগৰাকী ছোৱালী আৰু ২.০৪ বজাত ল’ৰাটো জন্ম দিয়ে। জন্মৰ পিছত নৱজাতককেইটাৰ ওজন কম হোৱাৰ বাবে বিশেষ নৱজাতক কেয়াৰ ইউনিটত ৰখা হৈছিল।
উল্লেখযোগ্য যে চাৰিটা সন্তান একেলগে স্বাভাৱিকভাৱে জন্ম দিয়া ঘটনা অত্যন্ত বিৰল। তদুপৰি এনেদৰে প্ৰসৱ কৰাটো সাধাৰণতে অত্যন্ত জটিল হয়।
Continue Reading
