ডিজিটেল ডেস্কঃ আমেৰিকাত পুনৰ বন্দুকধাৰীৰ আক্ৰমণৰ ঘটনা সংঘটি হৈছে। এইবাৰ হিউষ্টন চহৰৰ এটা ঘৰত প্ৰৱেশ কৰি পৰিয়ালটোৰ পাঁচোজন লোকক গুলীয়াই হত্যা কৰে চুবুৰীৰে এজন লোকে। ইয়াৰ ভিতৰত আছে এটি ৮ বছৰীয়া শিশু। অভিযুক্ত এতিয়াও পলাতক অৱস্থাত আছে।
ঘৰটোৰ সন্মুখৰ পৰা তেওঁ অবিৰতভাৱে বন্দুকেৰে গুলীবৰ্ষণ কৰিছিল। তাকে লৈ ঘৰটোৰ পৰিয়ালটোৱে আপত্তি কৰিলে। ইয়াৰ পিছতে খঙত তেওঁ সেই ঘৰটোত সোমাই যায়। তাৰ পিছত নিৰ্বিচাৰে গুলীয়াই পাঁচজন লোকক হত্যা কৰে।
আৰক্ষীয়ে এতিয়াও অভিযুক্ত ৩৮ বছৰীয়া ফ্ৰান্সিস্কো অৰোপেজাক বিচাৰি আছে। স্নিফাৰ ডগ আৰু ড্ৰ’নৰ সহায়ত এই তালাচী অভিযান চলোৱা হৈছে।
উল্লেখ্য যে আমেৰিকাত বন্দুকধাৰীৰ আক্ৰমণৰ সংখ্যা দিনে দিনে যথেষ্ট বৃদ্ধি পাইছে। স্কুলৰ পৰা ধৰ্মীয় স্থানলৈকে একো বাদ দিয়া হোৱা নাই। বন্দুক সম্পৰ্কীয় আইন গৃহীত হ’লেও আক্ৰমণৰ ঘটনা বন্ধ হোৱা নাই।
Continue Reading
